محرم الحرام کے اِنتظامات کا جائزہ لینے کیلئے اعلیٰ سطحی میٹنگ
سری نگر….انفو…..لیفٹیننٹ گورنر منوج سِنہا نے محرم الحرام کے اِنتظامات کا جائزہ لینے کے لئے ایک اعلیٰ سطحی میٹنگ کی صدارت کی۔سول سیکرٹریٹ میں ہونے والی میٹنگ میں مذہبی تنظیموں کے سربراہان، شیعہ کمیونٹی کے نامور اَفراد ، چیف سیکرٹری ڈاکٹر ارون کمار مہتا ، لیفٹیننٹ گورنر کے پرنسپل سیکرٹری ڈاکٹر مندیپ کمار بھنڈاری ،اے ڈی جی پی ہیڈ کوارٹر ایم کے سِنہا،اے ڈی جی پی کشمیر وِجے کمار ، صوبائی کمشنر کشمیر وِجے کمار بدھوری ، اِنتظامی سیکرٹریوں ، ضلع ترقیاتی کمشنروں ، محکمہ کے سربراہان اور یوٹی اِنتظامیہ کے دیگر سینئر اَفسروںنے شرکت کی۔لیفٹیننٹ گورنر نے کہا،” یہ ہم سب کے لئے اِنتہائی مذہبی اہمیت کا موقعہ ہے ۔ جموںوکشمیر یوٹی اِنتظامیہ اور مرکزی حکومت اِس بات کو یقینی بنانے کے لئے حساسیت او رعزم کے ساتھ کام کر رہی ہے کہ محرم الحرام ہموار، محفوظ اورپریشانی کے بغیر اِنعقاد کے لئے تمام اِنتظامات کئے جائیں۔“اُنہوں نے ضلع ترقیاتی کمشنروں کو ہدایت دی کہ وہ اِمام بارگاہوں سے بہتر رابطہ، بجلی کی فراہمی ، اِضافی راشن کی دستیابی ، پانی اور بنیادی سہولیات ، بازار کا باقاعدہ معائینہ ، صفائی ستھرائی ،ٹریفک اِنتظام ، لوگوں کو بہترین طبی سہولیات کی فراہمی کو یقینی بنائیں۔ لیفٹیننٹ گورنر نے محرم کے اِنتظامات کے بارے میں شیعہ کمیونٹی کے ممتاز نمائندوں سے معلومات بھی طلب کیں ۔ لیفٹیننٹ گورنر نے بات چیت کے دوران اُٹھائے گئے مسائل اور مطالبات کو حل کرنے کے لئے فوری اور مناسب اَقدامات کا یقین دِلایا۔ضلع ترقیاتی کمشنروں نے میٹنگ کو اَپنے اَپنے اَضلاع میں محرم الحرام کی تیاریوں اور اِنتظامات سے آگاہ کیا۔
محرم الحرام کے اِنتظامات کا جائزہ لینے کیلئے اعلیٰ سطحی میٹنگ
