سرینگر/اپنی پارٹی کے سربراہ سید محمد الطاف بخاری نے یوم جمہوریہ کے موقع پر ملک کے عوام بالخصوص جموں و کشمیر کے لوگوں کو تہہ دل سے مبارکباد پیش کی ہے۔سید محمد الطاف بخاری نے اپنے پیغام میں کہا کہ ”آج جبکہ ہمارا ملک 77 واں یوم جمہوریہ منانے کی تیاری کررہا ہے، میں تہہ دل سے ملک کے عوام بالخصوص جموں کشمیر کے لوگوں کو مبارکباد پیش کرتا ہوں۔ یہ دن ہمارے لئے قابل فخر ہے کیونکہ 1950 میں آج ہی کے دن ملک میں آئین نافذ ہوا تھا۔ یہ آئین ہمارے ملک کی جمہوریت کی روح ہے۔ یہ آئین ہر شہری کے بنیادی حقوق کی ضمانت دیتا ہے۔ ان حقوق میں اظہار رائے کی آزادی، مذہب کی آزادی، ذاتی آزادی اور عزت کے ساتھ جینے کا حق شامل ہے۔ اس لحاظ سے یوم جمہوریہ ہم سب کےلئے ایک جشن کا دن ہے۔“ انہوں نے دعا کی کہ ”یہ دن ہماری زندگیوں میں امن اور ہم آہنگی لائے اور سب کے لیے ترقی اور خوشحالی کی نئی راہیں کھولے۔“
سید محمد الطاف بخاری کی یوم جمہوریہ پر عوام کو مبارکباد
