سری نگر، 25 جنوری/انفو/یومِ جمہوریہ کے 77ویں موقع پر جموں و کشمیر کے لیفٹیننٹ گورنر، شری منوج سنہا کے پیغام کا متن درج ذیل ہے:
“اپنے عظیم اور محبوب وطن کے 77ویں یومِ جمہوریہ کے پ±رمسرت اور یادگار موقع پر، میں جموں و کشمیر کے عوام سمیت ملک کے تمام شہریوں کو دل کی گہرائیوں سے مبارکباد اور نیک تمنائیں پیش کرتا ہوں۔
میں ہمارے جمہوریہ کے معماروں کو عقیدت کے ساتھ خراجِ تحسین پیش کرتا ہوں، جن کی غیر معمولی بصیرت، جرات اور قربانیوں کے نتیجے میں ہمیں آزادی نصیب ہوئی اور ایک ایسا آئین ملا جو انصاف، آزادی، مساوات اور اخوت کے لازوال اصولوں پر مبنی ہے۔ یہی دائمی اقدار ہمارے قومی کردار کو مضبوط بناتی ہیں اور ہماری جمہوری و سوشلسٹ روایت کو تقویت دیتی ہیں۔
میں محنت کشوں، کسانوں، ڈاکٹروں، انجینئروں، موجدوں، کاروباری شخصیات، اساتذہ، طلبہ، نوجوانوں، خواتین، تاجروں، فنکاروں، ادیبوں، صنعتی رہنماو¿ں اور سول سوسائٹی کے رضاکاروں کو دلی خراجِ تحسین پیش کرتا ہوں۔ ان کی انتھک محنت اور وابستگی ہماری جمہوریت کو مضبوط بنانے اور یونین ٹیریٹری میں ہمہ جہت ترقی کو فروغ دینے میں کلیدی کردار ادا کر رہی ہے۔
میں ہماری مسلح افواج، نیم فوجی دستوں اور جموں و کشمیر پولیس کے بہادر جوانوں کو خصوصی سلام پیش کرتا ہوں۔ ان کی مستعدی، جرات اور قربانیاں ہمارے عوام کے لیے امن، سلامتی اور ہم آہنگی کی ضمانت ہیں۔
میں ا±ن تمام اہلکاروں کا تہہ دل سے شکریہ ادا کرتا ہوں جنہوں نے آپریشن سندور کے دوران فرض شناسی، عزم اور بہادری کے ذریعے قوم کے وقار کو بلند رکھا۔ پہلگام میں ہونے والے سفاکانہ دہشت گرد حملے کے بعد، آپریشن سندور بھارت کے قومی سلامتی نظریے میں ایک فیصلہ کن موڑ ثابت ہوا۔ بھارت نے واضح پیغام دیا کہ اس کی سرزمین پر ہونے والا ہر دہشت گرد حملہ جنگی اقدام تصور کیا جائے گا۔ آپریشن سندور محض ایک فوجی کارروائی نہیں تھا بلکہ بھارت کے اسٹریٹجک عزم کا اعلان تھا۔
میں بھارتی فوج، جموں و کشمیر پولیس اور سی آر پی ایف کے اہلکاروں کی غیر معمولی جرات اور پیشہ ورانہ مہارت کو بھی سراہتا ہوں، جنہوں نے آپریشن مہادیو کے ذریعے اس حملے میں ملوث تین پاکستانی دہشت گردوں کو ہلاک کر کے ہماری ماو¿ں اور بہنوں کے وقار کا انصاف فراہم کیا۔
میں جموں و کشمیر پولیس کی خدمات کو بھی سراہتا ہوں جنہوں نے گزشتہ اکتوبر–نومبر میں ملک گیر دہشت گرد نیٹ ورک کا پردہ فاش کیا اور کئی ممکنہ حملوں کو بروقت ناکام بنایا۔ وہ بھارت کے حقیقی ہیرو ہیں اور مجھے ان پر فخر ہے۔
آئیں ہم نئے عزم اور اجتماعی ارادے کے ساتھ جموں و کشمیر کو ترقی اور خوشحالی کی نئی بلندیوں کی جانب لے جانے کا عہد کریں۔ ہمیں اپنی اجتماعی صلاحیتوں کو بروئے کار لاتے ہوئے مضبوط عزم کے ساتھ اقتصادی ترقی کی رفتار کو تیز کرنا ہوگا۔
جموں و کشمیر میں موجود صلاحیتوں کو مزید مستحکم کرنے اور جدید، مستقبل دوست بنیادی ڈھانچے کی تعمیر کے ساتھ ساتھ، ہمیں نئے اور ابھرتے ہوئے ترقیاتی شعبوں کو بھی جرات اور تسلسل کے ساتھ فروغ دینا ہوگا۔ ہمارے اعلیٰ تعلیمی اداروں کو جدت، تکنیکی مہارت اور متحرک کاروباری سوچ پر مبنی مستقبل کے لیے خود کو تیار کرنا ہوگا۔
آئیے ہم علم پر مبنی معیشت اور انفارمیشن ٹیکنالوجی میں قیادت کا ہدف طے کریں اور یہ عزم کریں کہ ہر شہری، بالخصوص نوجوانوں اور خواتین کو معیاری تعلیم، صحت کی سہولیات اور مساوی مواقع میسر ہوں تاکہ وہ اپنی مکمل صلاحیتوں کو بروئے کار لا سکیں۔
اللہ کرے ہم سب خلوص اور بے لوثی کے ساتھ اپنی ذمہ داریاں نبھائیں اور معاشرے کی اجتماعی بھلائی کے لیے کام کریں۔ آئیے مل کر ایک مضبوط، خوشحال اور ترقی یافتہ بھارت کی تعمیر کے لیے اپنے عزم کی تجدید کریں۔”
