جمہوری عمل میں حصہ لینا ووٹر کیلئے سب سے بڑا اعزاز /وزیر اعظم مودی

سرینگر….25جنوری…. ایس این این…. لوگوں سے جمہوری عمل میں حصہ لینے کی اپیل کرتے ہوئے وزیر اعظم نریندر مودی نے کہا کہ ووٹر ہونا صرف ایک آئینی استحقاق نہیں ہے، بلکہ ایک اہم فرض ہے جو ہر شہری کو ہندوستان کے مستقبل کی تشکیل میں آواز دیتا ہے۔سٹار نیوز نیٹ ورک کے مطابق قومی یوم رائے دہندگان کے موقع پر ”مائی بھارت “ کے رضاکاروں کو لکھے ایک خط میں انہوں نے ووٹروں کو ہندوستان کی ترقی کے سفر کی تقدیر (بھگیہ ودھاتا) کا فیصلہ کن قرار دیا۔وزیر اعظم مودی نے کہا ”جمہوریت میں ووٹر بننا سب سے بڑا اعزاز اور ذمہ داری ہے۔ ووٹ ڈالنا ایک مقدس آئینی حق ہے اور بھارت کے مستقبل میں شرکت کا نشان ہے۔ “ انہوں نے کہا ” ووٹر ہمارے ترقی کے سفر کی بھاگیہ ودھاتا ہے۔ انگلی پر وہ انمٹ سیاہی عزت کا نشان ہے جو اس بات کو یقینی بناتا ہے کہ ہماری جمہوریت متحرک اور بامقصد رہے۔ “ نیشنل ووٹرز ڈے ہر سال 25 جنوری کو الیکشن کمیشن آف انڈیا کے یوم تاسیس کے موقع پر منایا جاتا ہے۔وزیر اعظم مودی نے کہا ”آپ کے دوستوں یا رشتہ داروں میں سے بہت سے نوجوان پہلی بار ووٹ ڈالنے والے ہو سکتے ہیں۔ یہ ان کے لیے بہت اہمیت کا حامل لمحہ ہے۔ ہمارے پہلی بار ووٹ دینے والوں کا جمہوریت میں ایسے افراد کے طور پر خیر مقدم کیا جانا چاہیے جو ہمارے ملک کی تقدیر بدلنے کی طاقت رکھتے ہیں۔ “ وزیر اعظم نے کہا کہ مائی بھارت کے رضاکار ایک ایسی نسل سے تعلق رکھتے ہیں جو چیزوں کے ہونے کا انتظار نہیں کرتی ہے بلکہ ”کین ڈو“کے جذبے کے ساتھ چیزوں کو انجام دینے میں سرگرمی سے حصہ لیتی ہے۔انہوں نے کہا ” آپ ووٹر بننے کی اہمیت کے بارے میں بیداری پھیلا سکتے ہیں۔ “ انہوں نے جمہوری عمل کو مضبوط بنانے کی کوششوں کے لیے الیکشن کمیشن آف انڈیا سے وابستہ تمام لوگوں کی تعریف کی۔وزیر اعظم مودی نے کہا ” ووٹر بننا صرف ایک آئینی استحقاق نہیں ہے، بلکہ ایک اہم فرض ہے جو ہر شہری کو ہندوستان کے مستقبل کی تشکیل میں آواز دیتا ہے۔“وزیر اعظم نے کہا، ”ہم ہمیشہ جمہوری عمل میں حصہ لےکر اپنی جمہوریت کی روح کا احترام کرتے ہیں، اس طرح وکست بھارت کی بنیادوں کو مضبوط کرتے ہیں۔“انہوں نے کہا کہ اکثر لوگ ہندوستان کو دنیا کی سب سے بڑی جمہوریت کے طور پر بیان کرتے ہیں، لیکن ساتھ ہی یہ جمہوریت کی ماں بھی ہے، جس کی جمہوری اقدار کی تاریخ صدیوں پر محیط ہے۔مودی نے کہا”آپ کے دوستوں یا رشتہ داروں میں سے بہت سے نوجوان پہلی بار ووٹ دینے والے ہو سکتے ہیں۔ یہ ان کے لیے بہت اہمیت کا حامل لمحہ ہے۔ ہمارے پہلی بار ووٹ دینے والوں کا جمہوریت میں ایسے افراد کے طور پر خیر مقدم کیا جانا چاہیے جو ہمارے ملک کی تقدیر بدلنے کی طاقت رکھتے ہیں۔ “ انہوں نے نوجوانوں پر زور دیا کہ جب وہ یا ان کے آس پاس کا کوئی فرد پہلی بار ووٹر بنتا ہے تو جشن منائیں۔انہوں نے کہا”گھر میں اور اپنے رہائشی معاشروں میں، ہم مٹھائیاں بانٹ کر اسی طرح کا جشن منا سکتے ہیں۔ جمہوری اقدار کی نرسری کے طور پر ہمارے اسکولوں اور کالجوں کا ایک اہم کردار ہے“۔انہوں نے کہا کہ ووٹنگ کے لیے لوگوں کا عزم اس قدر گہرا ہے کہ چاہے وہ ہمالیہ میں، انڈمان اور نکوبار کے جزیروں میں، صحراو¿ں میں یا گھنے جنگلوں میں رہتے ہوں، وہ اس بات کو یقینی بنانے کے لیے اٹھ کھڑے ہوتے ہیں کہ ان کی آواز سنی جائے۔وزیر اعظم مودی نے کہا کہ ”جمہوری نظریات سے وابستگی ہمیں آنے والے وقتوں کے لیے تحریک دے گی۔وزیر اعظم نے کہا”میں اس بات پر بھی زور دینا چاہتا ہوں کہ ہماری ناری شکتی، خاص طور پر نوجوان خواتین کی شرکت ایک جامع جمہوریت کے لیے بہت ضروری ہے۔ ان کی بیداری اور فعال شمولیت نے بھارت کی بنیادوں کو مضبوط کیا ہے“ ۔