بڈگام….انفو………ڈسٹرکٹ الیکشن آفیسر بڈگام اَکشے لابرو نے ضلع میں آئندہ لوک سبھا۔ 2024 کے اِنتخابات کے لئے قائم کئے جانے والے مختلف ڈسٹری بیوشن اور کلیکشن سینٹروں کا دورہ کیا۔ڈسٹرکٹ الیکشن آفیسر نے ایس ایس پی بڈگام الطاہر گیلانی کے ہمراہ ڈگری کالج چرار شریف، چاڈورہ میں پولی ٹیکنک کالج ناگام اور ڈگری کالج خان صاحب کے مراکز کا دورہ کیا اور سری نگر لوک سبھا حلقہ کے اِنتخابات کے دوران ان مراکز پر رکھے جانے والے اِنتخابات سے متعلق مواد اور مشینری کی حفاظت، نگرانی اور حفاظت کے لئے کئے جانے والے اِنتظامات کا تفصیلی جائزہ لیا۔اِس موقعہ پر ڈی ای او بڈگام نے مراکز کے اندر اور باہرچوبیس گھنٹے ویڈیو نگرانی کے لئے سی سی ٹی وی کیمروں کی تنصیب اور کام کرنے پر زور دیا۔عملے کے لئے علیحدہ واش روم کی سہولیات کے قیام کی بھی ہدایت دی گئی۔ڈسٹرکٹ الیکشن آفیسر نے سیکورٹی اہلکاروںکے لئے رہائشی سہولیات کا بھی معائینہ کیا اور متعلقہ حکام کو ہدایت دیکہ وہ تمام نامزد عمارتوں اور کوارٹروں میں تمام ضروری اِنتظامات کو بروقت یقینی بنائیں۔ڈی ای او نے ہدایت دی کہ تمام مراکز کو علیحدہ انکلوژرز کے طور پر قائم کیا جائے جس میں الگ الگ داخلی راستے ہوں اور ان مراکز کے لئے ایس او پی اور پروٹوکول پر مناسب عمل درآمد کیا جائے جیسا کہ الیکشن کمیشن کے رہنما خطوط کے مطابق تمام مقامات پر لازمی قرار دیا گیا ہے۔اُنہوں نے اعلیٰ سیکورٹی اور حفاظت کو یقینی بنانے کے لئے ان مراکز کی کھڑکیوں اور دروازوں پر لوہے کی گرلز لگانے کی ہدایت دی۔دریں اثنا متعلقہ اَفسران کو ہدایت دی گئی ہے کہ ضلع کے تمام مخصوص کلیکشن اور ڈسٹری بیوشن سینٹروں کو 24 گھنٹے بجلی اور پانی کی فراہمی یقینی بنائی جائے۔ڈسٹرکٹ الیکشن آفیسر نے کہا کہ ضلع میں الیکشن سے متعلق مواد اور مشینری کی حفاظت کے لئے الیکشن کمیشن آف اِنڈیا کے رہنما خطوط کے مطابق تمام حفاظتی اقدامات پر عمل درآمد کیا جائے گا۔ڈسٹرکٹ الیکشن آفیسر کے ہمراہ اے ڈی سی بڈگام معراج الدین شاہ، متعلقہ ایس ڈی ایمز، سی پی او، ڈپٹی ڈی ای او، نوڈل اَِفسران، اے آر اوز، ایس ای آر اینڈ بی، مختلف سیکٹروںکے سابق انجینئروں اور دیگر متعلقین بھی تھے ۔
ڈسٹرکٹ الیکشن آفیسر بڈگام نے کلیکشن اور ڈسٹری بیوشن سینٹروں کا کیامعائینہ
