کے سی سی آئی کے وفد نے لفٹینٹ گورنر سے ملاقات کی

سرینگر….انفو……کشمیر چیمبر آف کامرس اینڈ انڈسٹری( کے سی سی آئی ) کے ایک وفد نے صدر مسٹر جاوید احمد ٹینگا کی سربراہی میں لفٹینٹ گورنر مسٹر منوج سنہا سے ملاقات کی ۔ وفد میں کے سی سی آئی کے نومنتخب عہدیداران اور ایگزیکٹو کمیٹی کے اراکین شامل تھے ، جنہوں نے سیاحت ، صنعتوں اور تجارت سے متعلق سرگرمیوں کے فروغ سے متعلق مختلف مسائل پیش کئے ۔ انہوں نے لفٹینٹ گورنر کو کشمیر کی سیاحت کے ایک پسندیدہ مقام کے طور پر دکھائی دینے کو بڑھانے کیلئے مختلف اقدامات کے بارے میں بھی آگاہ کیا ۔ ادھر سابق وزیر مسٹر جی ایم سروری نے بھی لفٹینٹ گورنر مسٹر منوج سنہا سے ملاقات کی ۔ دریں اثناءضلع ڈیولپمنٹ کونسل ( ڈی ڈی سی ) شوپیاں کے وائس چئیر مین مسٹر عرفان منہاس نے لفٹینٹ گورنر مسٹر منوج سنہا سے ملاقات کی اور انہیں شوپیاں ضلع کے مختلف ترقیاتی مسائل سے آگاہ کیا ۔