لیفٹنٹ گورنرنے دہلی پبلک اسکول سرینگر کے نمایاں کھلاڑیوں سے ملاقات کی

سرینگر…انفول…..فٹینٹ گورنر مسٹر منوج سنہا نے راج بھون میں دہلی پبلک اسکول سرینگر کے نمایاں کھلاڑیوں سے ملاقات کی ۔ لفٹینٹ گورنر نے طلبہ کو قومی اور بین الاقوامی کھیلوں کے مقابلوں میں ان کی شاندار کامیابیوں پر سراہا ۔ انہوں نے ان کے آنے والے کھیلوں اور مستقبل کیلئے نیک خواہشات کا اظہار کیا ۔ طلبہ کے وفد میں ہریہ شوکت ، سما اور میشا ہلال کانٹھ ( تیسری جونئیر ایشین پینچک سلات چیمپئن شپ میں چاندی کے تمغے حاصل کرنے والے ) زید علی ( 69 ویں نیشنل اسکول گیمز ۔ فُٹ بال ) ، اور انٹر ڈی پی ایس فُٹ بال ٹورنامنٹ ( بوائیز اوپن زون 1 ) کی فاتح ٹیم شامل تھی ۔ ان کے ہمراہ محترمہ مونیسہ خورشید ، وائس پرنسپل اور اسپورٹس سیکرٹری دہلی پبلک سکول سرینگر مسٹر مدثر بشیر بھی موجود تھے ۔