جموں…..انفو….وزیر اعلیٰ عمر عبداللہ نے سول سیکرٹریٹ میں ایک میٹنگ کی صدارت کی جس میں محکمہ ریونیو کی طرف سے اُٹھائے گئے اِنفراسٹرکچر منصوبوں کی پیش رفت کا جائزہ لیا گیا۔ میٹنگ میں چیف سیکرٹری اتل ڈولو، ایڈیشنل چیف سیکرٹری (فائنانشل کمشنر ریونیو) شالین کابرا، وزیر اعلیٰ کے ایڈیشنل چیف سیکر ٹری دھیراج گپتا، پرنسپل سیکرٹری فائنانس سنتوش دی ویدیا، صوبائی کمشنر جموں رمیش کمار، سیکرٹری ریونیو کمار راجیو رنجن، صوبائی کمشنر کشمیر ، تمام ضلع ترقیاتی کمشنروں اور دیگر سینئر اَفسران نے شرکت کی جبکہ مختلف اَضلاع کے افسران نے بذریعہ ویڈیو کانفرنسنگ میٹنگ میں حصہ لیا۔ میٹنگ کے شروعات میں سیکرٹری ریونیو نے 18 اہم عمارتوں کے منصوبوں پر تفصیلی پرزنٹیشن دی جس میں تحصیل اور نیابت دفاتر، رہائشی کوارٹرز، منی سیکرٹریٹ اور ریونیو کمپلیکس شامل ہیںجو اِس وقت جموں و کشمیر میں مختلف مقامات پر جاری ہیں۔ یہ منصوبے رام بن، کٹھوعہ، پونچھ، ڈوڈہ، اودھمپور، ریاسی، بانڈی پورہ ، اننت ناگ، پلوامہ اور سری نگر میں واقع ہیں جو بنیادی ڈھانچے کی تعمیر اور نچلی سطح پر حکمرانی کو مضبوط بنانے کے لئے اِنتظامیہ کی کوششوں کا ایک اہم حصہ ہیں۔ جائزے میں کچھ رُکاوٹوں کو اُجاگر کیا گیاجن میں فنڈز کی تقسیم میں تاخیر، زیراِلتوا ¿اِنتظامی منظوریوں اور کچھ مقامات پر قانونی مسائل شامل ہیں۔وزیر اعلیٰ عمر عبداللہ نے باقی ماندہ منصوبوں کو تیز رفتار سے مکمل کرنے کی ضرورت پر زور دیا۔ اُنہوں نے اَفسران کو ہدایت دی کہ زیر اِلتوا¿ منظوریوں کو جلدی سے کلیئر کریں، قانونی رُکاوٹوں کو دُور کریں اور مالی منصوبہ بندی کو منصوبوں کے وقت کے مطابق ہم آہنگ کریں تاکہ لاگت میں اِضافہ سے بچا جا سکے۔ اُنہو ں نے ایک جدید اور مو¿ثر ریونیو ایڈمنسٹریشن بنانے پر حکومت کی توجہ کا اعادہ کرتے ہوئے کہا کہ اِن بنیادی ڈھانچے منصوبوں کی بروقت تکمیل شہری خدمات کی بہتر فراہمی کے لئے نہایت ضروری ہے۔ اُنہوں نے بہتر نگرانی، فعال بین ڈیپارٹمنٹل کوآرڈی نیشن او رڈیڈ لائن پر سختی سے عمل کرنے پر زور دیا۔وزیر اعلیٰ نے یقین دِلایا کہ حکومت زیر اِلتوا کاموںکو آسانی سے اَنجام دینے کو یقینی بنانے کے لئے مکمل تعاون فراہم کرے گی اور اِس بات پر زور دیا کہ جموں و کشمیر میں مجموعی ترقی اور حکمرانی میں اِصلاحات کے لئے اِنتظامی ڈھانچے کو مضبوط بنانا اوّلین ترجیح ہے۔
وزیر اعلیٰ عمر عبداللہ نے محکمہ ریونیو کے منصوبوں کی تکمیل میں پیش رفت کاجائزہ لیا
