جموںا///نفو ….لیفٹیننٹ گورنر منوج سِنہا نے بدھ کے روز کہا ،”76 برسوں سے آئین مساوات، آزادی اور سماجی اِنصاف کا مینار اور اِس عظیم ملک کے شہریوں کے لئے رہنما روشنی رہا ہے۔“لیفٹیننٹ گورنر جموں میں ’یومِ آئین‘ کی تقریبات سے خطاب کر رہے تھے۔ اُنہوں نے ’آئین کی تمہید‘ کو پڑھااور ہندوستان کے آئین کے بانیوں اور معماروں کو خراجِ عقیدت پیش کیا۔اُنہوں نے اَپنے خطاب میں پالیسی سازوں اور اَفسران پر زور دیا کہ وہ آئین کی اَقدار کو برقرار رکھیں اور شہریوں کے حقوق کے تحفظ اور پاسداری کے لئے پُر عزم رہیں۔ منوج سِنہا نے کہا،”ہمارا آئین قابلِ احترام ہے جس نے ہندوستان کی ترقی کی راہ ہموار کی ہے ۔ ہمیں قومی یکجہتی اور سا لمیت کو برقرار رکھنا ہے۔ ہمیں معاشرے میں خوداعتمادی اور عزت نفس کا احساس پیدا کرنا ہوگا اور ہندوستان کو طاقتوراور خود اَنحصار بنانے کے لئے ہر ذرائع اور وسائل کو اِستعمال کرنا ہوگا۔“اُنہوں نے کہا کہ 67 برس کے طویل اِنتظار کے بعد 2019 ءمیں آئین کی تمام دفعات کو جموں و کشمیر پر مکمل طور پر لاگو کی گئیں جس سے امتیازی سلوک اور نااِنصافی کا خاتمہ ہوا۔لیفٹیننٹ گورنر نے کہا،اَب جموں و کشمیر بابا صاحب ڈاکٹر بھیم راو¿ امبیڈکر کے مرتب کردہ آئین میں درج مساوات، سماجی اور معاشی اِنصاف کے اصولوں کی رہنمائی میں آگے بڑھ رہا ہے۔“اُنہوں نے کہا کہ پہلے دِن سے ہی جموں و کشمیر میں ان کا مشن یہ رہا ہے کہ وہ شہریوں کی زندگی بہتر بنائیں، امتیاز اور نااِنصافی کا خاتمہ کریں، دہشت گردی کے ماحولیاتی نظام کو ختم کریں اور یہ یقینی بنائیں کہ مرکزی سکیموں کے فوائد معاشرے کے نچلے طبقے تک پہنچیں۔لیفٹیننٹ گورنر نے کہا ،”جو لوگ پوچھتے ہیں کہ گزشتہ 5 برسوں میں کیا حاصل ہوا؟ میں اُنہیں بتانا چاہتا ہوں کہ علیحدگی پسندوں کو نوازنے اور محبِ وطن اَفراد پر تشدد کرنے کا رواج مکمل طور پر بند ہو چکا ہے۔وزیر اعظم نریندر مودی جی نے آئین کی تمام دفعات کے نفاذ کے ذریعے جموں و کشمیر کے ہر بھائی اور بہن کے لئے عزت، وقار اور فخر کو یقینی بنایا ہے۔“آئین کو اَپنانے کے 75 برس مکمل ہونے کے موقعے پر منعقدہ یوٹی سطح کی تقریب محکمہ ثقافت نے محکمہ قانون، انصاف و پارلیمانی امور کے اِشتراک سے منعقد کی۔یوم آئین کی تقریبات میں سپیکر جموں و کشمیر قانون ساز اسمبلی عبد الرحیم راتھر، ایڈیشنل چیف سیکرٹری جل شکتی شالین کابرا، ایڈیشنل چیف سیکرٹری محکمہ اعلیٰ تعلیم شانت منو، پرنسپل سیکرٹری ثقافت برج موہن شرما،صوبائی کمشنر جموں رمیش کمار، آئی جی پی جموں بھیم سین توتی،سیکرٹری محکمہ قانون، اِنصاف و پارلیمانی امور اچل سیٹھی، سینئراَفسران، ممتاز شہریوں اور بڑی تعداد میں نوجوانوں نے شرکت کی۔
