بڈگام میں فوج کی76 ویں انفنٹری ڈے ’شوریہ دیوس‘ تقریب
وزیردفاع راجناتھ سنگھ کی اورلیفٹنٹ گورنر منوج سنہا کی شرکت
بڈگام۷۲، اکتوبرجے کے این ایس فوج کے76 ویں انفنٹری ڈے کے موقع پر، وزیر دفاع راج ناتھ سنگھ نے جمعرات کو بڈگام میں ہندوستانی فوج کی طرف سے منعقد ’شوریہ دیوس‘ پروگرام میں شرکت کی۔جموں و کشمیر کے لیفٹیننٹ گورنر منوج سنہا بھی اس پروگرام میں موجود تھے۔ سنگھ نے اس موقع پر ہندوستانی فوج کی ایک نمائش کا بھی دورہ کیا۔جے کے این ایس کے مطابق انفنٹری ڈے کو آزاد ہندوستان کے پہلے فوجی واقعہ کی یاد میں منایا جاتا ہے، جب ہندوستانی فوج نے27 اکتوبر 1947 کو وادی کشمیر میںپہلا حملہ پسپا کیا تھا۔یہ فتح سکھ رجمنٹ کی پہلی بٹالین کے اہلکاروں نے حاصل کی۔76ویں انفنٹری ڈے کے موقع پر وزیر دفاع نے بہادر پیدل فوج کے جوانوں اور ان کے اہل خانہ کو بھی مبارکباد اور نیک تمناو¿ں کا اظہار کیا۔ وزیر دفاع راج ناتھ سنگھ نے ایک ٹویٹ میں لکھا”76ویں انفنٹری ڈے پر، ہمارے بہادر پیادہ اہلکاروں اور ان کے اہل خانہ کو مبارکباد اور پرتپاک خواہشات۔ ہندوستانی پیدل فوج انتہائی جرات اور پیشہ ورانہ مہارت کے ساتھ وابستہ رہی ہے۔ قوم ان کی بہادری، قربانی اور خدمات کو سلام کرتی ہے“۔ ’شوریہ دیوس‘ تقریب میں شرکت کے بعد، وزیر دفاع مرکزی زیر انتظام علاقہ لداخ کے2 روزہ دورے پر روانہ ہوگئے۔ ہندوستانی فوج ہر سال 27 اکتوبر کو ’انفنٹری ڈے‘ کے طور پر مناتی ہے، کیونکہ اس دن سکھ رجمنٹ کی پہلی بٹالین سری نگر ایئربیس پر اتری اور پاک فوج کے ناپاک عزائم کو ناکام بنانے کےلئے عزم اور غیر معمولی جرات کا مظاہرہ کیا۔ 1947 میں قبائلی حملہ آوروں کی مدد سے کشمیر پر حملہ کیا تھا۔اس سال ہندوستانی فوج اور فضائیہ دونوں اس خاص دن کو”شوریہ دیوس“کے طور پر منانے جا رہے ہیں کیونکہ جمعرات کو ہندوستانی فضائیہ کے کشمیر ایئر بیس کی گولڈن جوبلی جشن بھی ہے۔
