سرینگر//فوج کی بہادری سے جدید ٹینکی آلات سے اب بھارت اب کمزور ملک نہیں رہا ہے کا دعویٰ کرتے ہوئے فوجی سربراہ لیفٹنٹ جنرل منوج پانڈے نے کہا کہ چین اور پاکستان کے خلاف فوج کی بہادری سے ہمارا سینہ فخر سے چوڑا ہو گیا ۔انہوں نے کہاکہ دنیا کی کوئی طاقت ہندوستان کی طرف سے آنکھ اٹھاکر نہیں دیکھ سکتی ہے۔ کیونکہ اب ہم کمزور نہیں رہے، بلکہ دنیا کا طاقتور ملک بن چکے ہیں۔
سی این آئی مانیٹرنگ کے مطابق کرگل وجے دیوس کی یاد میں منعقدہ ایک تقریب سے خطاب کرتے ہوئے فوجی سربراہ لیفٹنٹ جنرل منوج سنہا نے کہا کہ چین ہو یا پاکستان فوج نے ہر سطح پر کارروائیوں کا مقابلہ کرتے ہوئے ہندوستانی کا سینا فخر سے چوڑا کیا ۔انہوں نے کہا کہ ’ہندوستان کے قد، ملک کے وقار میں گزشتہ 8 برسوں میں بہت اضافہ ہوا ہے۔ اس سے پہلے، جب بھی ہندوستان بین الاقوامی اسٹیج پر بولتا تھا، کوئی بھی اسے سنجیدگی سے نہیں لیتا تھا، لیکن آج جب ہندوستان کسی بھی عالمی اسٹیج پر بولتا ہے، تو پوری دنیا سنتی ہے۔
ہتھیار اور دفاعی سازوسامان صرف باہر سے منگائے جاتے تھے۔ ہندوستان میں کچھ بھی نہیں بنتا تھا۔ منوج پانڈے نے کہا کہ ہندوستان اب کمزور ملک نہیں رہا ہے۔ اگر ہندوستان کو کسی نے چھیڑنے کی کوشش کی، تو یہ چھوڑے گا نہیں۔ انہوں نے کہا، ’دنیا کی کوئی طاقت ہندوستان کی طرف سے آنکھ اٹھاکر نہیں دیکھ سکتی ہے۔ کیونکہ اب ہم کمزور نہیں رہے، بلکہ دنیا کا طاقتور ملک بن چکے ہیں۔ ہم کسی کو چھیڑیں گے نہیں، لیکن کوئی ہمیں چھیڑے گا تو ہم چھوڑیں گے بھی نہیں‘۔
خیال رہے کہ اس تقریب میں کارگل جنگ کے دوران کارروائی میں مارے گئے فوجیوں کو خراج عقیدت پیش کرنے کے لیے بھارتی فوج کے اہلکاروں، سول انتظامیہ کے اہلکاروں،اور سینٹرل ریزرو پولیس فورس کے سینئر افسران نے پھولوں کی چادر چڑھائی۔ اس پروقار موقع پر موجود کرگل جنگ کے سابق فوجیوں کو خراج تحسین پیش کیا گیا اور مادر وطن کی خدمت میں ان کی بے پناہ شراکت کو یاد کیا گیا۔ اس تقریب کی بنیاد یہ تھی کہ اس نے ہر موجود کو، خاص طور پر نوجوان نسل کو پاکستان کے خلاف ہندوستانی مسلح افواج کی تاریخی طور پر اہم اور اہم فتح کی تعریف کرنے کا موقع فراہم کیا۔
