جموں۔۔۔۔انفو۔۔۔۔ نائب وزیراعلیٰ سریندر چودھری نے جموں و کشمیر میں غیر ممکن کھڈز سے متعلق مسائل کا جائزہ لینے کے لئے قائم ذیلی کمیٹی میٹنگ کی صدارت کی۔یہ میٹنگ سول سیکرٹریٹ جموں میں منعقد ہوئی جس میں وزیر برائے جل شکتی، جنگلات و ماحولیات اور قبائلی امور جاوید احمد رانا اور وزیر برائے زرعی پیداوار ، دیہی ترقی و پنچایتی راج،اِمدادِ باہمی اور الیکشن محکمہ جات جاوید احمد ڈار نے سب کمیٹی ممبران کی حیثیت سے شرکت کی۔ ایڈیشنل چیف سیکرٹری جل شکتی محکمہ شالین کابرانے ذیلی کمیٹی کوگیئر ممکن کھڈز کی موجودہ صورتحال اور ان کی نشاندہی، تحفظ اور انتظام سے جُڑے چیلنجوں کے بارے میں آگاہ کیا۔اِس موقعہ پر نائب وزیراعلیٰ نے خطاب کرتے ہوئے عوام کو درپیش حقیقی مسائل کے خوش اسلوبی سے حل کو یقینی بنانے کے لئے عوام دوست اور عملی فیصلے کرنے کی ضرورت پر زور دیا۔ اُنہوں نے کہا کہ پالیسی مداخلتوں میں ماحولیاتی تحفظ اور شہریوں کے ذریعہ معاش اور جائیداد و املاک کے حقوق کے تحفظ کے درمیان توازن قائم ہونا چاہیے۔ذیلی کمیٹی نے غیر ممکن کھڈز، دریاو¿ں اور نالوں کی موجودہ صورتحال اور متعلقہ مسائل پر تفصیلی تبادلہ خیال کیا تاکہ جہاں ضرورت ہو عام عوام کو ریلیف فراہم کیا جا سکے۔نائب وزیراعلیٰ نے تمام شراکت داروں میں بیداری پیدا کرنے کی ضرورت پر زور دیا اور غیر ممکن کھڈز، نالوں اور ملحقہ غیر قابلِ کاشت بنجر زمینوں کی سائنسی بنیادوں پر مناسب نقشہ بندی کی ہدایت دی۔میٹنگ میں موسمیاتی چیلنجوں اور ماحولیات، انسانی زِندگی و املاک پر موسمی اثرات کو کم کرنے کے لئے کئے جا رہے اقدامات پر بھی تبادلہ¿ خیال ہوا۔نائب وزیر اعلیٰ نے سیلاب سے متاثرہ علاقوں کی جامع نقشہ بندی کی ہدایت دی تاکہ آفات سے نمٹنے کی تیاری کو مضبوط بنایا جا سکے اور خطرات میں کمی لائی جا سکے۔ اُنہوں نے متعلقہ محکموں کو غیر قانونی تجاوزات کے خلاف سخت کارروائی کرنے اور پورے جموں و کشمیر میں تجاوز شدہ اراضی کی مقررہ مدت میں بازیابی کو یقینی بنانے کی ہدایت بھی دی۔ذیلی کمیٹی کے اراکین نے اپنی قیمتی تجاویز پیش کیں اور عوامی خدشات کو اجاگر کیا جن پر فوری توجہ کی ضرورت ہے۔میٹنگ میں سپیشل سیکرٹری جل شکتی اور متعلقہ اَفسران موجود تھے۔
نائب وزیر اعلیٰ کا غیر ممکن کھڈز جاری کرنے کے دوران عوام دوست رویہ اِختیار کرنے پرزور
