سری نگر//انفو//پرنسپل سیکرٹری سکل ڈیولپمنٹ محکمہ ڈاکٹر اَصغر حسن سامون نے آج پردھان منتری کوشل وِکاس یوجنا (پی ایم کے وِی وائی ) کے تحت صحت شعبے میں کووِڈ۔19 ویریروں کی سکل ٹرینگ کی تکمیل کا جائزہ لینے ک یلئے ایک میٹنگ منعقد کی۔میٹنگ میں مشن ڈائریکٹر نیشنل ہیلتھ مشن جے اینڈ کے ، ڈائریکٹر سکل ڈیوپمنٹ ، مرکزی ایم ایس ڈی اِی کے نمائندے ، پرنسپل گورنمنٹ میڈکل کالجز جموں ، سری نگر ، نرسنگ ،پیرا میڈکل کالجز، یونیورسٹی آف جموں ، کشمیر ، ایس ایم طٰ ڈی یو، بی جی بی ایس یو ، آئی یو ایس ٹی ، سینٹرل یونیورسٹی کے رجسٹرار ، سٹیٹ انگیج منٹ آفیسر این ایس ڈی سی جموںوکشمیر ، اور جموں وکشمیر سکل ڈیولپمنٹ مشن ، ڈائریکٹوریٹ آف ہیلتھ سروسز کشمیر ، جموں کے اَفسران نے ذاتی طور پر اور بذریعہ آن لائن موڈ حصہ لیا۔
ابتداً ،پرنسپل سیکرٹری کو جانکاری دی گئی کہ جموں وکشمیر یوٹی میں 12,000 کے ہدف میں سے 7,000 اُمید واروں نے پی ایم کے وِی وائی سکیم کے تحت کووِڈ۔19کریش کورس پروگرام پا س کیا۔میٹنگ کو بتایا گیا کہ پورٹل پر 1,601 اُمید واروں کا اِندراج اور رجسٹریشن کیا گیا جن میں سے 1,581نے کلاس روم اور آن دی جاب ( او جے ٹی ) دونوں طرح کی تربیت دی۔میٹنگ کو مزید جانکاری دی گئی کہ 1,245 اُمید واروں نے آن لائن اِمتحان میں شرکت کی ۔بعد میں ان کا جائزہ لیا گیا اور 92اُمید واروں کے آن لائن موڈ میں زیر اِلتوأ تشخیص کے ساتھ پاس قرار دیا گیا۔اِسی طرح 502 اُمید واروں کا جائزہ لیا جاتا ہے اور انہیں پاس کیا جاتا ہے اور فائنل ،او جے ٹی اِمتحان میں تصدیق کی جاتی ہے ۔
اِس موقعہ پر ڈاکٹر اَصغر حسن سامون نے کہا کہ کووِڈ۔19 وَبائی اَمراض کے دوران ہیلتھ کیئر کے شعبے پر بہت زیادہ دبائو رہا ہے اور طبی آلات ، ضروری سامان اور تربیت یافتہ عملے کی کمی کو پورا کرنے کے لئے شہریوں کو صحت کی مناسب فراہمی اور اِس بیماری سے لڑنے کے لئے کووِڈ کریش کورس کا آغا ز کیا گیا تھا ۔اُنہوں نے مزید کہا کہ ملک کے باقی حصوں کی طرح ہنر مند کووِڈ ویریروں کی کمی کو پورا کرنے اور دستیاب ہیلتھ کیئر کے وسائل اور خدمات کو کم سے کم وقت میں فراہم کرنے کے لئے پی ایم کے وِی وائی 3.0کے تحت وزارتِ سکل ڈیولپمنٹ اور اَنٹرپرینیور شپ ( ایم ایس ڈی اِی ) نے مطلوبہ ضرورت کے ساتھ تربیت یافتہ اور ہنرمند کووِڈویریروںکے لئے ایک پروگرام بنایا ہے ۔
میٹنگ کو یہ بھی بتایا گیا کہ اَنرولمنٹ کا تمام ڈیٹا اور تربیت یافتہ ڈیٹا پورٹل پر اَپ لوڈ کیا گیا ہے جبکہ اِداروں کی جانب سے زیر اِلتوأ آن لائن اسسمنٹ کی گئی ہے۔میٹنگ کو بتایا گیا کہ او جے ٹی کے تمام جائزے ہیلتھ کیئر سیکٹر سکل کونسل کے ساتھ طے کئے گئے ہیں اور جلد اَز جلد مکمل کئے جائیں گے۔بتایا گیا کہ ہیلتھ کیئر سیکٹ سکل کونسل کی طرف سے تعینات تشخیصی ایجنسیوں سے تقریباً1000 اُمید وارو ں کی حتمی تشخیص مکمل کی گئی ہے۔اِسی طرح میٹنگ کو کو جانکاری دی گئی کہ نتائج تشخیصی ایجنسیوں سے تیار کئے جاتے ہیں اور ایچ ایس ایس سی کو بھیجے جاتے ہیں اور پھر اسے جے کے ایس ڈی ایم اور اِداروں کے ساتھ شیئر کیا جاتا ہے۔
