بھارت کو کمزور کرنے کی ہر سازش کا ڈٹ کر مقابلہ کیا جائے گا وزیر اعظم مودی

بھارت کو کمزور کرنے کی ہر سازش کا ڈٹ کر مقابلہ کیا جائے گا وزیر اعظم مودی
سرینگر31اکتوبر سی این آئی بھارت کو کمزور کرنے کی ہر سازش کا ڈٹ کر مقابلہ کیا جائے گا کا اعلان کرتے ہوئے وزیر اعظم نریندر مودی نے کہا کہ دشمن بھارت کے اتحاد کو توڑنے کی کوشش کر رہے ہیں اور ملک کو ایسی کسی بھی کوشش کے خلاف ثابت قدم رہنا چاہئے۔ سی این آئی مانیٹرنگ ڈیسک کے مطابق گجرات کے کیواڈیا میں سردار ولبھ بھائی پٹیل کو ان کی یوم پیدائش پر خراج عقیدت پیش کرنے کے بعد وزیر اعظم نریندر مودی نے موربی پل گرنے کے واقعہ میں مرنے والوں کو یاد کیا اور جذباتی ہو گئے۔اس موقعہ پر اپنے خطاب میں وزیر اعظم نریندر مودی نے کہا کہ ”میں کیواڈیا میں ہوں، لیکن میرا دل ان لوگوں کے لیے دکھتا ہے جو موربی پل گرنے کے سانحہ میں مر گئے“۔وزیر اعظم نے کہا کہ ہندوستان کے لیے اس کا اتحاد کبھی بھی ضرورت نہیں رہا بلکہ اس کی انفرادیت رہی ہے۔ “ہمارے ملک کا یہ اتحاد ہمارے دشمنوں کے لیے چشم کشا رہا ہے۔ نہ صرف آج، بلکہ ہزاروں سالوں سے اور یہاں تک کہ ہماری غلامی کے دور میں بھی، تمام غیر ملکی حملہ آوروں نے اس اتحاد کو توڑنے کے لیے جو کچھ کرنا چاہا، کیا۔انہوں نے کہا ”اس طویل عرصے میں جو زہر پھیلایا گیا، آج اس کی وجہ سے ملک کو مسائل کا سامنا ہے۔ ہم نے ملک کی تقسیم اور دشمنوں کو اس کا فائدہ اٹھاتے دیکھا“۔ وزیر اعظم نریندر مودی نے مزید کہا کہ وہ طاقتیں اب بھی رائج ہیں، وہ ملک کے لوگوں کو ذات پات، علاقے، زبان کے نام پر لڑانا چاہتی ہیں، انہوں نے کہا کہ تاریخ کو بھی اس طرح پیش کیا جاتا ہے کہ لوگ ایک دوسرے کے ساتھ کھڑے نہیں ہو سکتے“۔مودی نے کہا”ہمیں نوٹ کرنا چاہیے کہ یہ قوتیں صرف باہر سے ہماری جانی پہچانی دشمن نہیں ہیں، بلکہ کئی بار یہ (دشمن) غلامانہ ذہنیت کی شکل میں ہمارے اندر بھی داخل ہوتی ہے،“انہوں نے مزید کہا ”ہمیں اس ملک کے بیٹے کی حیثیت سے انہیں جواب دینا ہے، ہمیں ایک رہنا ہے۔“