شالین کابرا نے سُول پنچایت کا کیادورہ

شالین کابرا نے سُول پنچایت کا کیادورہ
رِیاسیانفوپرنسپل سیکرٹری جل شکتی شالین کابرا نے کہا کہ حکومت جموںوکشمیر کے بیک ٹو وَلیج مرحلہ چہارم پروگرام نے حکمرانی کے تصور کو زندہ کیا ہے اور عوامی خدمات کے جذبے کو پھر سے بحال کیا ہے۔اِس موقعہ پر اُنہوں نے سُول پنچایت میں جے جے ایم کے تحت 292.08 لاکھ روپے کی لاگت سے مکمل ہونے والی پانی کی سکیموں کا اِفتتاح کیا ۔یہ سکیم 695 گھرانوں کا احاطہ کرے گی اور اِس سے علاقوں میں پانی کی فراہمی کی کمی کو بہتر کیا جائے گا۔اُنہوں نے بلاک کٹرہ کی سول پنچایت میں بیک ٹو ولیج مرحلہ چہارم کا اِفتتاح کرتے ہوئے کہا کہ اِس پروگرام کا مقصد خدمات کی فراہمی کو بہتر بنانا،کم سے کم وقت میں عوامی شکایات کا ازالہ کرنا اور اِستفادہ کنندگان پر مبنی سکیموں کی صد فیصد اطمینان حاصل کرنا ہے ۔ اُنہوں نے مزید کہا کہ بیک ٹو وِلیج کا بنیادی مقصد جموںوکشمیر میں بہتر حکمرانی کی جڑوں کو مضبوط کرنا اور عام لوگوں کو بااِختیار بنانے اور حکومت کے گورننس ماڈل کو اَپنانا ہے ۔اِس موقعہ پر ضلع ترقیاتی کمشنر رِیاسی ببیلا رکوال اور ایس ڈی ایم کٹرہ انگریز سنگھ کے علاوہ دیگر ضلعی اَفسران موجود تھے۔پرنسپل سیکرٹری نے مختلف محکموں کی طرف سے لگائے گئے سٹالوں کا معائینہ اور وہاںایک پودا لگایا اور اُنہوں نے عوامی مطالبات کو پورا کرنے کے لئے قائم کئے جانے والے شکایات کے ازالے کے طریقہ کار کے بارے میں بھی معلومات حاصل کیں۔اُنہوں نے متعدد لوگوں کے ساتھ بات چیت کی اور ان کے مسائل اور شکایات سنےں ۔ اُنہوں نے سکولی بچوں میں کھیل کِٹس ، آمدنی اور ڈومیسائل اور دیگر اَسناد بھی تقسیم کیں۔اُنہوں نے بی بی بی پی کے تحت نوزائدہ بچیوں کو ممتا کِٹس ، وہیل چیئرس ، سماعت کے آلات ، جسمانی طور خاص اَفراد میں واکنگ سٹکس کے علاوہ لاڈلی بیٹی سکیم کے تحت منظوری نامے بھی دئیے۔تقریب کے دوران شالین کابرا نے آنگن واڑی مراکز اور سکول کا معائینہ کیا جہاں بچوں نے مختلف کھیل سرگرمیاں کا مظاہرہ کیا۔