سری نگر میں دو روزہ” ہاﺅس بوٹ فیسٹول“ اِختتام پذیر

سری نگر میں دو روزہ” ہاﺅس بوٹ فیسٹول“ اِختتام پذیر
سری نگر        انفو            سری نگر کی ڈل جھیل او رنگین جھیل میں 7 دسمبر سے شروع ہونے والا دو روزہ ہاﺅس بوٹ فیسٹول آج اِختتام پذیر ہوا ہے ۔ اِس فیسٹول کا اِنعقاد محکمہ سیاحت کشمیر نے کیا تھا۔محکمہ سیاحت کے تازہ ترین اقدام سے اِس برس وادی میں ریکارڈ تعداد میں سیاحوں کی آمد کے پس منظر میں سامنے آیا ہے جس نے گذشتہ تمام ریکارڈ توڑ دئیے ہیں۔ہاﺅس بوٹ فیسٹول کا اِنعقاد سیاحوں کو دُنیا کی مشہور ڈل جھیل اور سری نگر کی نگین جھیل پر مشہور ہاﺅس بوٹوں کی طرف راغب کرنے کے لئے کہا گیا ہے۔اِس کے علاوہ کشمیر ی لوک فن کاروں نے سری نگر کی ڈل جھیل میں سرمائی سیاحت کو فروغ دینے کے لئے منعقدہ لیزر شو اور لائیو کنسرٹ کے دوران پر فارم کیا ۔فیسٹول کے دوران اِن دو جھیلوں پر ہاﺅس بوٹوں کی ہیرٹیج دیلیو پر زیادہ زور دیا گیا ۔ ڈل اور نگین جھیلوں میں تقریباً 1000 ہاﺅ بوٹ ہیں اور ہزاروں کنبے اَپنی روزی روٹی کے لئے اِس پر منحصر ہیں۔ دو روزہ فیسٹول میں آنے والوں کو ہاﺅس بوٹوں کی تاریخ،ان میں ٹھہرنے والی مشہور شخصیات اور کئی دہائیوں سے دُنیا بھر کے سیاحوں کو راغب کرنے میں ہاﺅس بوٹوں کے منفرد کردار کے بارے میں بتایا گیا۔فیسٹول کیا ایک بڑی توجہ ایک آرٹ نمائش، ہاﺅس بوٹوں کی تاریخ اور تاریخی پہلوﺅں پر تصویری دیوار تھی ۔دیگر پُر کشش مقامات پر لیزر شو ، روشن شکارا کارنیوال ، شکارا رائیڈز ، فوڈ کورٹ کے ساتھ واٹر سکرین پروجیکٹس شامل ہیں۔اِس کے علاوہ مقامی فن کاروں کے لائیو میوزیکل کنسرٹس اور بینڈ پروفارمنس اور روایتی لوک پرفارمنس کا بھی اِنعقاد کیا گیا جس نے دیکھنے والوں کو محظوظ کیا۔ہاﺅس بوٹ مالکان نے محکمہ اس اقدام کی بے حد تعریف کی اور کہا کہ یہ فیسٹول کشمیر میں سرمائی سیاحت کو فروگ دینے میں بہت اہم کردار اَدا کرے گا اور دُنیا بھر میں یہ پیغام دے گا کہ کشمیر واقعی سردیوں میں بھی گرم ہوتا ہے ۔