گجرات اسمبلی انتخابات میں بی جے پی کی تاریخی جیت
انتخابابی نتائج ہمارے کیلئے حیران کن نہیں ، گجرات کے لوگوں کو مودی پر بھروسہ ہے/راجناتھ سنگھ
گجرات نے مفت اور کھوکھلے وعدوں کی سیاست کو مسترد کر دیا،ترقیاتی ماڈل پر عوام کا غیر متزلزل اعتمادظاہر / امیت شاہ
سرینگر/ 08دسمبر /سی این آئی/ گجرات اسمبلی انتخابات میں شاندار جیت پر پارٹی کارکنوں اور ورکران کو مبارک باد پیش کرتے ہوئے وزیر دفاع راجناتھ سنگھ نے کہا کہ گجرات کے لوگوں کو مودی پر بھروسہ ہے اور گجرات کی صورتحال ان کیلئے حیران کن نہیں۔ادھر مرکزی وزیر داخلہ امیت شاہ نے بھی شاندار۵ جیت پر عوام کو شکریہ ادا کیا ہے ۔ سی این آئی مانیٹرنگ ڈیسک کے مطابق گجرات اسمبلی انتخابات میں بھارتیہ جنتا پارٹی ( بی جے پی) نے بھاری اکثریت سے جیت درج کرلی ہے ۔ بی جے پی نے 156سیٹو ں پر شاندار انداز میں جیت کرکے وہا ں اپنے دم پر حکومت بنانے کا اعلان کیا ہے ۔ گجرات میں بی جے پی کی تاریخی جیت پر ردعمل ظاہر کرتے ہوئے مرکزی وزیر دفاع راج ناتھ سنگھ نے کہا کہ ”جیت اس اعتماد کی علامت تھی جو ریاست کے لوگوں کا وزیر اعظم نریندر مودی پر تھا“۔وزیر دفاع نے پارلیمنٹ ہاو¿س کے احاطے میں میڈیا سے گفتگو کرتے ہوئے کہا کہ یہ صورتحال ان کے یا پارٹی کیلئے حیران کن نہیں۔انہوں نے کہا کہ گجرات کے لوگوں کو مودی پر بھروسہ ہے اور گجرات کی صورتحال ان کیلئے حیران کن نہیں۔مودی کے نعرے ‘سب کا ساتھ، سب کا وکاس’ کا حوالہ دیتے ہوئے انہوں نے کہا کہ جیت کو مودی کی مثبت پالیسیوں کا نتیجہ قرار دیا۔ انہوں نے اسے گجرات کے ماڈل کی قبولیت قرار دیا اور انہیں ایک بڑی جیت دلانے کے لیے عوام کا شکریہ ادا کیا۔ادھر وزیر داخلہ امیت شاہ بھی عوام کو مبارک باد پیش کرتے ہوئے کہا کہ گجرات نے مفت، خوشامد اور کھوکھلے وعدوں کی سیاست کو مسترد کر دیا۔ امیت شاہ نے کہا کہ وہ اس تاریخی جیت پر گجرات کے لوگوں کو سلام پیش کرتے ہیں اور یہ ”نریندر مودی کے ترقیاتی ماڈل پر عوام کے غیر متزلزل اعتماد“کو ظاہر کرتا ہے۔انہوں نے کہا کہ گزشتہ دو دہائیوں میں مودی جی کی قیادت میں بی جے پی نے گجرات میں ترقی کے تمام ریکارڈ توڑ دیے اور آج گجرات کے لوگوں نے بی جے پی کو زخمی کر دیا ہے اور جیت کے تمام ریکارڈ توڑ دیے ہیں۔وزیر نے کہا کہ اس زبردست جیت نے ظاہر کیا ہے کہ ہر طبقہ خواہ وہ خواتین ہوں، نوجوان ہوں یا کسان، پورے دل سے بی جے پی کے ساتھ ہیں۔
