دھیر ج گپتا نے اَفسران کو ہدایت دی
جموں/04فروری/پرنسپل سیکرٹری مکانات شہری ترقی محکمہ دھیرج گپتا نے جموںوکشمیر یوٹی کے دونوں دارالخلافائی شہریوں کے لئے الیکٹرک بسوں کے پروجیکٹ پر ایک جائزہ میٹنگ کی صدارت کی اور اَفسران کومقررہ مدت میں اِس کی تکمیل کے لئے عمل کو تیز کرنے کی ہدایت دی۔میٹنگ میں صوبائی کمشنر رمیش کمار، چیف ایگزیکٹیو آفیسر ( سی اِی او ) جموں سمارٹ سٹی لمٹیڈ ( جے ایس سی ایل ) راہل یادو ، جنر ل منیجر ( فائنانس) جے ایس سی ایل اور اِی۔ بسز پروجیکٹ جے اینڈ کے کے نوڈل آفیسر آشیش آنند اور ٹاٹا موٹرز کے نمائندوں کی قیادت میں کے وِجے مینن ، چیف آپریشنز آفیسرز کے سنجیو ا راﺅ ،جنرل منیجر گورنمنٹ اینڈ پبلک افیئر ز اینڈ بزنس ڈیولپمنٹ نے شرکت کی جبکہ چیف ایگزیکٹیو آفیسر ( سی اِی او) سری نگر سمارٹ سٹی لمٹیڈ ( ایس ایس سی ایل)اطہر عامراور دیگر اَفسران نے عملی طور پر میٹنگ میں حصہ لیا۔میٹنگ کے آغاز پر جموں سمارٹ سٹی لمٹیڈ کے چیف ایگزیکٹیو آفیسر ( سی اِی او ) راہل یادو نے پروجیکٹ پر اَب تک ہونے والی پیش رفت کے بارے میں تفصیلی پرزنٹیشن دی۔اُنہوں نے چیئر کو جانکاری دی کہ دونوں شہروں میں ڈیپو کے لئے اَراضی کی نشاندہی کر کے ٹاٹا موٹرز لمٹیڈ کے حوالے کی گئی ہے ۔ چیئر کو الیکٹرک بسیں چلانے کے لئے عارضی روٹوں کے بارے میں بھی آگاہ کیا گیا۔اِس موقعہ پر پرنسپل سیکرٹری نے بات کرتے ہوئے ٹاٹاموٹرز پر زور دیا کہ وہ ڈیپو کی تعمیر کو مکمل کرے اور مقررہ وقت کے اَندر الیکٹرک بسوں کی فراہمی کو یقینی بنائے۔دھیرج گپتا نے ٹاٹا موٹرزکو ہدایت دی ،” بسوںکو اپریل تک پہنچایا جائے اور جلد اَز جلد کام شروع کیا جائے ۔“اُنہوں نے جموں سمارٹ سٹی لمٹیڈ ( جے ایس سی ایل) اور سر ی نگر سمارٹ سٹی لمٹیڈ( ایس ایس سی ایل) کے سی اِی اوز سے کہا کہ وہ ضلع ترقیاتی کمشنر وں کے ساتھ ساتھ یونین ٹیریٹری کے محکمہ ٹرانسپورٹ کی مشاورت سے راستوں کو حتمی شکل دیں۔دھیرج گپتا نے مزیدکہا کہ تمام منصوبہ بندی اور قانونی کام 15 فروری تک مکمل کئے جائیں ۔اُنہوں نے مزید کہا کہ یہ ایک ترجیحی منصوبہ ہے اور لیفٹیننٹ گورنر منوج سِنہا ذاتی طور پر اس منصوبے کی نگرانی کر رہے ہیں کیوں کہ جموںوکشمیر اِس برس جی 20 اجلاس کے لئے تیار ہے۔اُنہوں نے مزید ہدایت دی کہ جے ایس سی ایل اور ایس ایس سی ایل کے سی اِی اوز کام کی نگرانی کریں اور ہفتہ وار پیش رفت رِپورٹ پیش کریں ۔اُنہوں نے دونوں خطوں کے صوبائی کمشنروں سے کہا کہ وہ رُکاوٹوں کو دور کرنے کے لئے میٹنگ منعقد کریں۔یہ بات قابل ذِکر ہے کہ حکومت جموںوکشمیر 200 الیکٹرک بسوں کا بیڑا خرید رہی ہے جن میں سے جموںوکشمیر یوٹی کے جموں اور سری نگر کے دارالخلافائی شہروں ہر ایک کے لئے 100 ہے ۔
دھیر ج گپتا نے اَفسران کو ہدایت دی
