مشیر راجیو رائے بھٹنا گر نے سیڈ کو اور سیکاپ کی کارکردگی اور کام کاج کا جائزہ لیا

مشیر راجیو رائے بھٹنا گر نے سیڈ کو اور سیکاپ کی کارکردگی اور کام کاج کا جائزہ لیا
جموں/24اپریل/لیفٹیننٹ گورنر کے مشیر راجیو رائے بھٹناگر نے سول سیکرٹریٹ میں سیڈ کو( ایس آئی ڈی سی او) اور سیکاپ ( ایس آئی سی او پی)کی کارکردگی اور کام کاج کا جائزہ لینے کے لئے ایک میٹنگ منعقد کی۔میٹنگ میں پرنسپل سیکرٹری صنعت و حرفت محکمہ پرشانت گوئیل ، منیجنگ ڈائریکٹر سیڈ کواور سیکاپ ، دونوں کارپوریشنوں کے سینئر اَفسران اور دیگر متعلقہ اَفسران نے ذاتی طور پر اور بذریعہ ویڈیو کانفرنسنگ شرکت کی۔دورانِ میٹنگ مشیر راجیو رائے بھٹناگر نے اَفسران سے خطاب کرتے ہوئے دونوں کارپوریشنوں کی اِنتظامیہ پر زور دیا کہ وہ جموںوکشمیر میں صنعتی شعبے کی تیز رفتار ترقی کے لئے ایک اَچھی طرح سے قائم ایکو سسٹم بنانے پر توجہ مرکو ز کریںجس سے یہاں کے نوجوانوں کے لئے روزگار کے مواقع پیدا ہوں گے۔مشیر موصوف نے مزید دونوں کارپوریشنوں کی اِنتظامیہ سے کہا کہ وہ غیر فعال صنعتی اسٹیٹس کی بحالی کے لئے اَپنی کوششیں تیز کریں اور اِس کے لئے ایک مناسب منصوبہ تیار کریں۔ اُنہوں نے کہا کہ ان یونٹوں کی بحالی سے یہاں کے نوجوانوں کی بڑی تعداد کے لئے روزگار کے مواقع پیدا ہوں گے ۔مشیر راجیو رائے بھٹناگر نے موجودہ صنعتی املا ک کے حالات اور سہولیات کا جائزہ لیتے ہوئے اَفسران پر زور دیا کہ ان انڈسٹریل اسٹیٹ کی طرف جانے والی سڑکوں کو اَپ گریڈ کرنے کے علاوہ دیگر سہولیات کو جدید خطوط پر استوار کیا جائے۔ اُنہوں نے افسران کو یہ بھی ہدایت دی کہ نئے نامزد کردہ انڈسٹریل اسٹیٹس میں سڑکوں اور دیگر سہولیات کو ترجیحی بنیادوں پر تیار کیا جائے تاکہ صنعتی یونٹ ہولڈروں کو نئی الاٹمنٹ جلد از جلد شروع کی جاسکیں۔اُنہوں نے صنعتی اسٹیٹس میں کامن ایفلوئنٹ ٹریٹمنٹ پلانٹس ( سی اِی ٹی پیز ) کے قیام کے حوالے سے اَفسران کو ہدایت دی کہ سی اِی ٹی پی بنیادی طور پر صنعتی اِکائیوں سے ہونے چاہئیں اور تمام مکمل شدہ سی اِی ٹی پیز کو فوری طورپر آپریشنل کیا جائے۔مشیر راجیو رائے بھٹناگر نے میٹنگ میں جموںوکشمیر میں صنعتی اسٹیٹس کے کام کاج میں مسلسل بہتری اور اِختراع کی ضرورت پر بھی روشنی ڈالی ۔ اُنہوں نے دونوں کارپوریشنوں کی اِنتظامیہ پر زور دیا کہ وہ ایس ایم اِیز کو ترقی،انہیں فائنانس ، مارکیٹنگ اور ٹیکنالوجی جیسے شعبوں میں بروقت اور مو¿ثر فراہم کر کے ترقی کے لئے ایک قابل ماحول بنانے پر توجہ دیں ۔مشیر نے سیکاپ کی کارکردگی کا جائزہ لیتے ہوئے کارپوریشن کی اِنتظامیہ کو تمام منصوبوں کی بروقت تکمیل کی ہدایت دی ۔ اُنہوں نے ان پر مزید زور دیا کہ وہ جموںوکشمیر کے مختلف محکموں کے پاس زیر التوا¿رقم کی وصولی کریں اور کارپوریشن کی بہتری کے لئے اِس کا مو¿ثر اِستعمال کریں۔اُنہوں نے سیڈکو اور سیکاپ کے جے کے آئی ڈی سی میں اِنضما م کے جاری عمل کا جائزہ لیتے ہوئے دونوں کا رپوریشنوں کی اِنتظامیہ پر زور دیا کہ وہ ملک بھر میں ترقی پسند آئی ڈی سی کو تلاش کریں اور جے کے آئی ڈی سی میں ان کے کچھ قابل عمل خیالا ت کو شامل کریں۔ اُنہوں نے ان سے یہ بھی کہا کہ وہ ان آئی ڈی سی کے بھرتی قوانین کا مطالعہ کریں اور اس کے مطابق جے کے آئی ڈی سی کے لئے بروقت بنیادوں پر مسودہ تیار کریں۔دورانِ میٹنگ دونوں کارپوریشنوں کی اِنتظامیہ کی جانب سے حاصل کردہ کارکردگی اور مالیاتی پیش رفت پر تفصیلی پرزنٹیشن پیش کی گئی۔