اِنتظامی کونسل نے نئے ڈسٹرکٹ کورٹ کمپلیکس بانڈی پورہ کی تعمیر کو منظور ی دی

اِنتظامی کونسل نے نئے ڈسٹرکٹ کورٹ کمپلیکس بانڈی پورہ کی تعمیر کو منظور ی دی
سری نگر/انفو/اِنتظامی کونسل کی میٹنگ لیفٹیننٹ گورنر منوج سِنہا کی سربراہی میں منعقد ہوئی جس میں عام لوگوں کے قانونی خدشات اور ضلع کے بڑھتے ہوئے قانونی چارہ جوئی کے معاملات اور عدالتی کام کے بوجھ کو مو¿ثر طریقے سے حل کرنے کے مقصد سے ایک اہم فیصلے میں بانڈی پورہ میں نئے ڈسٹرکٹ کورٹ کمپلیکس کی تعمیر کو منظور ی دی۔میٹنگ میں لیفٹیننٹ گورنر کے مشیر راجیو رائے بھٹناگر ، چیف سیکرٹری ڈاکٹر ارون کمار مہتا اور لیفٹیننٹ گورنر کے پرنسپل سیکرٹری مندیپ کمار بھنڈاری نے شرکت کی۔اِس پروجیکٹ کو مرکز معاونت والی سکیم ” عدلیہ کے لئے بنیادی ڈھانچے کی سہولیات کی ترقی “ کے تحت فنڈ دینے پر غور کیا گیا ہے اور اس پروجیکٹ پر 35.12 کروڑ روپے کی لاگت آنے کا تخمینہ ہے۔نئے کورٹ کمپلیکس میں تین منزل عدالت کی عمارت ، وکلاءچیمبر وں کی تعمیر او رڈسٹرکٹ کورٹ کے معزز ججوں کے لئے رہائشی کوارٹروں اوردیگر دوسرے بنیادی سہولیات بھی شامل ہوں گی۔