جموں…انفو…..جی آر سنتوش گیلری میں کلا کیندر سوسائٹی کے زیر اہتمام پلوی سمبھیال کی تین روزہم مصوری نمائش شروع ہوئی جس کا باقاعدہ اِفتتاح پرنسپل سیکرٹری ثقافت و قبائلی امور سریش کمار گپتا نے کیا۔اِفتتاحی تقریب میں سیکرٹری جموں و کشمیر اکیڈمی آف آرٹ، کلچر اینڈلنگویجز سنجیو رانا سمیت متعدد معززین کے علاوہ سیکرٹری کلا کیندر سوسائٹی ڈاکٹر جاوید راہی، ریجنل ڈائرکٹر آئی جی این سی اے شروتی اوستھی، کنوینر انٹیک ایس ایم سا ہنی، معروف آرٹ نقاد رویندر کول اورسابق ایڈیشنل سیکرٹری اکیڈمی ڈاکٹر اروندر سنگھ امان اور دیگرمتعلقین نے شرکت کی۔ اِس موقعہ پرفنکاروں اور مختلف شعبہ ہائے زندگی سے تعلق رکھنے والے اَفراد نے شرکت کی۔سریش کمار گپتا نے جموں و کشمیر کے متنوع مناظر کی عکاسی کرتے ہوئے پلوی سمبھیال کے فن پارے کی ستائش کی ۔ اُنہوں نے فنکاروں کے لئے اَپنے کام کی نمائش کے لئے تمام گیلریوں کو دوبارہ کھولنے کے لئے کلا کیندر جموں کے حالیہ اَقدام کو اُجاگر کیا اور فن کاروں کو اِس موقعہ سے فائدہ اُٹھانے کی ترغیب دی۔جموں خطے کے سانبہ ضلع میں پیدا ہونے والی پلوی سمبھیال نے ایک فن کار کے طور پر اَپنے سفر کو شیئرکیا اور جموں و کشمیر کی خوبصورتی کو اَپنی لینڈ سکیپ پینٹنگز کے ذریعے پیش کرنے کے اَپنے شوق وجذبے کا اِظہار کیا۔ وہ نوجوانوں میںآرٹ اور ڈیزائننگ کے شعبے میں بھی تربیت دے رہی ہیں۔یہ نمائش تین روز تک جاری رہے گی جس میں آرٹ کے شائقین اور عوام کو خطے کی قدرتی شان و شوکت کی فنکارانہ تصویر کشی میں خود کو غرق ہونے کا موقعہ ملے گا۔اِس سے قبل ڈاکٹر جاوید راہی نے نمائش میں موجود 50 پینٹنگز کے ذریعے جموں و کشمیر کے شاندار مناظر کو اُجاگر کرنے پر توجہ مرکوز کی۔ اُنہوں نے اس بات پر زور دیا کہ اس تقریب کا مقصد جموں و کشمیر کے فنکاروں کو اَپنی صلاحیتوں کا مظاہرہ کرنے کے لئے ایک پلیٹ فارم فراہم کرنا ہے۔
کلا کیندر میں تین روزہ پینٹنگ ایگزبشن کا آغاز
