بارہمولہ….انفو……….بارہمولہ پارلیمانی حلقہ کے ریٹرننگ آفیسر منگا شیرپا نے تمام سیاسی جماعتوں کے نمائندوں کے ساتھ ایک جامع تربیتی سیشن کا اِنعقاد کیا جس کا مقصد اُنہیں آئندہ لوک سبھا اِنتخابات۔ 2024 ءکے لئے کاغذاتِ نامزدگی داخل کرنے کے عمل کے بارے میں آگاہ کرنا تھا۔یہ تربیتی سیشن 1 ۔بارہمولہ پارلیمانی حلقہ کی نشست کےلئے اِنتخاب لڑنے والے اُمیدواروں کے لئے کاغذات نامزدگی کے عمل کو ہموار اور شفاف بنانے کے لئے منعقد کیا گیا تھا جس کااِنتخاب 20 مئی 2024 ءکو ہونا ہے ۔دورانِ سیشن ریٹرننگ آفیسر نے شرکا¿کو کاغذاتِ نامزدگی جمع کرنے کے لئے ضروری اہلیت کی ضروریات اور دستاویزات کے بارے میں جانکاری دی جبکہ 26 اپریل 2024 ءکو کاغذاتِ نامزدگی جمع کرنے کے لئے وقت مقررہ پر عمل کرنے کی اہمیت پر زور دیا۔مزید برآں، شرکت کرنے والے نمائندوں کو قانونی اور اِنتخابی اصولوں کی تعمیل کو یقینی بنانے کے لئے نامزدگی فارم کی تکمیل اور جمع کرنے کے پروٹوکول کے حوالے سے تفصیلی ہدایات فراہم کی گئیں۔منگا شیرپا نے جمہوری اصولوں کی پاسداری کی اہمیت پر زور دیااور تمام سیاسی جماعتوں اور اُمیدواروں پر زور دیا کہ وہ اِنتخابی عمل کے دوران اخلاقی طرز ِعمل کو برقرار رکھیں۔ریٹرننگ آفیسر نے آزادانہ، منصفانہ اور شفاف اِنتخابات کے اِنعقاد کے لئے الیکشن کمیشن کے عزم کا اعادہ کیا جس سے تمام اُمیدواروں کے لئے یکساں مواقع پیدا ہوں گے۔تربیتی سیشن کے دوران ڈپٹی ڈسٹرکٹ الیکشن آفیسر بارہمولہ عبدالرحمان بٹ، سیاسی جماعتوں کے نمائندگان اور دیگر انتخابی عہدیدار موجود تھے۔
ریٹرننگ آفیسر1۔بارہمولہ حلقہ نے سیاسی جماعتوں کے نمائندوں کے ساتھ تربیتی سیشن کا اِنعقاد کیا
