پلوامہ….انفو…….. ڈِسٹرکٹ الیکشن آفیسر پلوامہ ڈاکٹر بشارت قیوم نے آئندہ لوک سبھا اِنتخابات کی تیاریوں کا جائزہ لینے اور نوڈل افسروں کے ساتھ ایک اہم میٹنگ کی صدارت کی۔اِس جامع جائزے میٹنگ میں مختلف اہم پہلوو¿ں پر غور کیا گیا جن میں پولنگ عملے اور الیکٹرانک ووٹنگ مشینوں (ای وی ایم) کے لئے ٹرانسپورٹیشن کے اِنتظامات، پولنگ عملے کے لئے تربیتی پروٹوکول، کنٹرول روم کے مو¿ثر کام، پولنگ پارٹیوں کے لئے فلاحی اَقدامات، کنٹرول روم کے ذریعے شکایات کے اَزالے کے طریقہ کار کو ہموار کرنا، ووٹر سہولیت مراکز کا قیام، مائیکرو ابزرور کے فرائض کی وضاحت، گھریلو ووٹنگ کے نظام الاوقات کی تشکیل اور ویب کاسٹنگ کے اِنتظامات شامل ہیں۔اِس کے علاوہ میڈیا سرٹیفکیشن اینڈ مانیٹرنگ کمیٹی (ایم سی ایم سی) اور الیکشن کمیشن آف اِنڈیا (اِی سی آئی) کی طرف سے تجویز کردہ ماڈل کوڈ آف کنڈکٹ (ایم سی سی) کی عمل آوری کے ساتھ ساتھ گھریلو ووٹنگ کے روٹ چارٹ کے بارے میں بھی محتاط منصوبہ بندی کی گئی۔ڈِسٹرکٹ الیکشن آفیسر نے نوڈل افسران کو تفویض کردہ مخصوص کاموں اور ذمہ داریوں کی وضاحت کی اور اپنے فرائض کی انجام دہی میں مثالی لگن اورتندہی کی ضرورت پر زور دیا۔ اس بات پر زور دیا گیا کہ نوڈل افسران آزادانہ ، منصفانہ اور پُرامن اِنتخابات کو آسان بنانے میں اہم کردار ادا کرتے ہیں اور اِس طرح ملک کے جمہوری اَقدار کو برقرار رکھتے ہیں۔ڈاکٹر بشارت قیوم نے فعال مصروفیت اور زمین پر تفویض کردہ کاموں کو احتیاط سے انجام دینے پر زور دیا۔ مزید برآں، تمام نوڈل افسروں پر زور دیا گیا کہ وہ اِنتخابی مدت کے دوران اپنے کردار اور ذمہ داریوں سے متعلق الیکشن کمیشن کے ذریعہ فراہم کردہ رہنما خطوط سے مکمل طور پر واقف ہوں۔اُنہوں نے نوڈل افسروں کی قابلیت اور عزم پر اعتماد کا اظہار کرتے ہوئے اِنتخابی عمل میں اہم کردار ادا کرنے کی ان کی اجتماعی صلاحیت کو اُجاگر کیا۔ضلع آئندہ انتخابات کی تیاری کر رہا ہے، انتظامیہ آئین میں درج جمہوری اصولوں کو برقرار رکھنے کی اپنی کوششوں میں ثابت قدم ہے۔اُنہوں پُر اَمن، منصفانہ اور مو¿ثر اِنتخابات کے اِنعقاد کے لئے ضلع کے عزم پر زور دیا۔میٹنگ میں اے ڈی سی پلوامہ اور تمام اے آر اوز کے علاوہ عام لوک سبھا اِنتخابات۔ 2024 ءکے تمام نوڈل افسران نے شرکت کی۔
ڈِسٹرکٹ الیکشن آفیسر پلوامہ نے لوک سبھا اِنتخابات ۔2024ءکی تیاریوں کا جائزہ لیا
