بین الاقوامی سطح پر ہندوستان کا قد بڑھ گیا ہے/ راجناتھ سنگھ

سرینگر…………25اپریل …..سی این آئی…….. کانگریس ایک خاندان کو جبکہ بی جے پی پورے ملک کے عوام کو ”سپریم “سمجھتی ہے کی بات کرتے ہوئے وزیر دفاع راجناتھ سنگھ نے کہا کہ اپوزیشن جماعتوں نے کبھی سوچا بھی نہیں تھا کہ جموں کشمیر سے دفعہ 370 کی منسوخی ایک دن تاریخ بن جائے گا اور وہ اس کام کو ہضم نہیں کر سکتے جو بی جے پی کر رہی ہے ۔انہوں نے کہا کہ بی جے پی جو کہتی ہے وہی کرتی ہے۔ انہوں نے کہا کہ حکومت میں آنے کے بعد بی جے پی نے اپنے تمام وعدے پورے کئے ہیں۔انہوں نے مزید کہا کہ بی جے پی نے اپنی قراردادوں کو پورا کیا ہے۔ ایودھیا میں رام مندر کی تعمیر کے ساتھ ہی کشمیر سے دفعہ 370 کو ختم کر دیا گیا۔ اس کے ساتھ ہی انہوں نے تین طلاق قانون کو ختم کرکے مسلم خواتین اور خاندانوں کو انصاف فراہم کیا۔سی این آئی کے مطابق لکھیم پور کھیری میں بی جے پی امیدوار اجے مشرا ٹینی کی حمایت میں منعقدہ جلسہ عام سے خطاب کرتے ہوئے وزیر دفاع راجناتھ سنگھ نے کہا کہ بی جے پی جو کہتی ہے وہی کرتی ہے۔ انہوں نے کہا کہ حکومت میں آنے کے بعد بی جے پی نے اپنے تمام وعدے پورے کئے ہیں۔وزیر دفاع راج ناتھ سنگھ نے کہا کہ بین الاقوامی سطح پر ہندوستان کا قد بڑھ گیا ہے۔ اب بھارت کچھ کہتا ہے تو دنیا کان کھول کر سنتی ہے۔ کانگریس کی حکومت کے دوران ہر روز کسی نہ کسی ریاست میں دہشت گردی کے واقعات ہوتے تھے۔ آج دہشت گردوں کو کہیں بھی دہشت گردی کی کارروائی کرنے کی جرات نہیں ہے۔ جس طاقت سے ہندوستانی حکومت نے دہشت گردی کا خاتمہ کیا ہے آج دنیا بھر میں اس کی تعریف کی جارہی ہے۔انہوں نے کہا کہ بی جے پی نے اپنی قراردادوں کو پورا کیا ہے۔ ایودھیا میں رام مندر کی تعمیر کے ساتھ ہی کشمیر سے دفعہ370 کو ختم کر دیا گیا۔ اس کے ساتھ ہی انہوں نے تین طلاق قانون کو ختم کرکے مسلم خواتین اور خاندانوں کو انصاف فراہم کیا۔وزیر دفاع نے کہا کہ اندرا گاندھی اور راجیو گاندھی نے کہا تھا کہ ہمیں جیت دو، ہم غربت مٹائیں گے، لیکن ہندوستان میں غربت بڑھتی ہی گئی۔ انہوں نے کہا کہ مودی حکومت میں 25 کروڑ لوگوں کو غربت کی لکیر سے باہر لایا گیا۔وزیر دفاع نے کہا کہ کانگریس انتخابات میں ہندوو¿ں اور مسلمانوں کو تقسیم کر رہی ہے۔ پانچ عرب مسلم ممالک نے نریندر مودی کو اعلیٰ ترین اعزاز سے نوازا ہے۔ انہوں نے کہا کہ اتر پردیش میں امن و امان کی صورتحال بہتر ہوئی ہے۔انہوں نے کہا کہ اپوزیشن جماعتوں نے کبھی سوچا بھی نہیں تھا کہ جموں کشمیر سے دفعہ370 کی منسوخی ایک دن تاریخ بن جائے گا اور وہ اس کام کو ہضم نہیں کر سکتے جو بی جے پی کر رہی ہے۔راجناتھ سنگھ نے کہا کہ آج وہ اتنے مایوس ہوچکے ہیں اور وہ کھلے عام ہماری سرکار کے خلاف سازشیں کر رہے ہیں ۔ انہوں نے کہا کہ بی جے پی ہندوستان کو بدعنوانی، اقربا پروری اور امن و امان کے چیلنجوں سے نجات دلانے کیلئے سخت قدم اٹھانے کے لیے پرعزم ہے۔