سری نگر.انفو…وزیر برائے خوراک، شہری رسدات و اَمورِ صارفین، اِنفارمیشن ٹیکنالوجی،اَمورِ نوجوان و کھیل کود اور سائنس و ٹیکنالوجی ستیش شرما نے ٹیکنالوجی اور صنعت کے درمیان بہتر ہم آہنگی کی ضرورت پر زور دیا تاکہ یہ یقینی بنایا جائے سکے کہ نئی تکنیکی اِختراعات لوگوں کی حقیقی ضروریات کو پورا کرنے کے لئے تیار کی جائیں۔وزیر موصوف نے اِن باتوں کا اِظہار سائنس و ٹیکنالوجی ڈیپارٹمنٹ کی ایک جائزہ میٹنگ سے خطاب کرتے ہوئے کیا۔میٹنگ میں ایڈیشنل ڈائریکٹران ڈاکٹر ناصر شاہ، مشتاق احمد، ایڈیشنل سیکرٹری نیلم کھجوریہ اور دیگر سینئر اَفسران نے شرکت کی۔ستیش شرما نے کہا کہ تکنیکی ترقی کو صرف تجربہ گاہوں تک محدود نہیں ہونا چاہیے بلکہ انہیں عملی، عوام دوست حل میں ڈھالنا چاہیے جس سے معاشرے کو براہ راست فائدہ پہنچے۔اُنہوں نے محکمہ کو ہدایت دی کہ تحقیقاتی تعاون کو فروغ دیا جائے، سٹارٹ اپس کو پروموٹ کیا جائے اور ایسے انکیوبیشن سینٹرز قائم کئے جائیں جہاں اِختراعی خیالات کو قابل عمل کاروباری اِداروں میں پروان چڑھایا جاسکے۔ اُنہوں نے مقامی ٹیلنٹ کو فروغ دینے اور اس بات کو یقینی بنانے پر بھی زور دیا کہ جموں و کشمیر ایک اختراع اور کاروباری مرکز بن کر اُبھرے۔وزیرستیش شرما نے کہا،”ٹیکنالوجی صرف اِختراع کے لئے نہیں بلکہ عوام کی بھلائی کے لئے ہونی چاہیے اوراس ویژن کو حاصل کرنے کے لئے صنعتوں اور اِداروں کو مل کر کام کرنا چاہیے۔“دورانِ میٹنگ محکمہ کے سینئر اَفسران نے جاری اَقدامات اور پیش رفت رِپورٹ پیش کئے۔وزیر موصوف نے جموں و کشمیر میں سائنس پر مبنی ترقی کو فروغ دینے کے لئے بنیادی ڈھانچے اور پالیسیوں کو مضبوط بنانے میں حکومت کی مکمل حمایت کا یقین دِلایا۔بعدمیںاُنہوں نے سائنس و ٹیکنالوجی (ایس اینڈ ٹی) ڈیپارٹمنٹ کے نئے تعینات ہونے والے ریسرچ اسسٹنٹوں میں تقرری نامے تقسیم کئے
ستیش شرما نے عوام دوست اِختراعات کیلئے ٹیکنالوجی اور صنعت کے اِنضمام پر دیازور
