جموں….انفو…. رُکن اسمبلی بنی ڈاکٹر رمیشور سنگھ نے سول سیکرٹریٹ جموں میں وزیر برائے زرعی پیدوار ، دیہی ترقی و پنچایتی راج ، اِمدادِ باہمی اور الیکشن جاوید احمد ڈار سے ملاقات کی۔دورانِ ملاقات ڈاکٹررمیشور سنگھ نے بنی حلقے کی ترقی سے متعلق کئی اہم مسائل اُجاگر کئے۔ اُنہوں نے وزیرموصوف کی توجہ فوری معاملات کی طرف مبذول کی جس میں تباہ شدہ فصلوں کے معاوضے اور حالیہ خراب حالات کی وجہ سے مویشیوں کے مالکان کو ہو ئے نقصانات شامل ہیں۔جاویدڈار نے تمام مسائل کو بغور سُنااور رُکن اسمبلی کو یقین دلایا کہ ہر مسئلہ ترجیحی بنیادوں پر حل کیا جائے گا۔ اُنہوں نے مزید کہا کہ عمر عبداللہ کی قیادت والی حکومت متاثرہ افراد کو بروقت معاوضہ اور امداد فراہم کرنے کے لئے تمام ضروری اقدامات کرنے کے لئے پُرعزم ہے۔رُکن اسمبلی نے یقین ظاہر کیا کہ حکومت کا فوری ردعمل بنی حلقے کے باشندگان کو انتہائی ضروری مدد فراہم کرے گا۔
رُکن اسمبلی بنی کی وزیر جاوید ڈار سے ملاقات اور حلقے کے اہم مسائل اُٹھائے
