سری نگر۔۔۔۔انفو۔۔۔ وزیر برائے تعلیم سکینہ اِیتو نے سول سیکرٹریٹ میں منعقدہ ایک اعلیٰ سطحی میٹنگ میں بابا غلام شاہ بادشاہ یونیورسٹی (بی جی ایس بی یو) راجوری کی تعلیمی اور اِنتظامی کام کاج کا تفصیلی جائزہ لیا۔میٹنگ میں وائس چانسلربابا غلام شاہ بادشاہ یونیورسٹی (بی جی ایس بی یو) پروفیسر جاوید اِقبال، ایڈیشنل چیف سیکرٹری اعلیٰ تعلیم محکمہ شانت منو، ضلع ترقیاتی کمشنر راجوری اوررجسٹرار بی جی ایس بی یو ابھیشیک شرما، ڈائریکٹر آر یو ایس اے ، محکمہ اعلیٰ تعلیم کے سپیشل سیکرٹریوں، ڈائریکٹر فائنانس، ڈائریکٹر پلاننگ محکمہ اعلیٰ تعلیم اور یونیورسٹی اِنتظامیہ اورمحکمہ اعلیٰ تعلیم کے دیگر سینئر اَفسران نے ذاتی طور پر یا بذریعہ وریڈیو کانفرنسنگ شرکت کی۔دورانِ میٹنگ وزیر موصوفہ نے یونیورسٹی کی تدریس، تحقیق،بنیادی ڈھانچے کی ترقی، طلبا¿ کی فلاح و بہبود اور دیگر اَقدامات کی پیش رفت کا تفصیلی جائزہ لیا۔وزیرتعلیم نے کہا کہ بابا غلام شاہ بادشاہ یونیورسٹی (بی جی ایس بی یو)جو پیر پنچال خطے میں اعلیٰ تعلیم کا ایک اہم مرکز ہے، نوجوانوں کے مستقبل کو معیاری تعلیم، مہارت سازی اور کردار سازی کے ذریعے سنوارنے میں ایک خاص ذمہ داری رکھتی ہے۔ اُنہوں نے یونیورسٹی اِنتظامیہ پر زور دیا کہ وہ طلبا¿پر مبنی اَقدامات اَپنائیں، پلیسمنٹ سیلز کو مضبوط بنائیں اور ڈیجیٹل لرننگ اِنفراسٹرکیچر کو قومی و عالمی معیار کے مطابق بہتر بنائیں۔اُنہوں نے اِنفراسٹرکچر سے متعلق جاری منصوبوں کا جائزہ لیتے ہوئے اِنتظامیہ کو ہدایت دی کہ اِن منصوبوں کو بروقت تکمیل کو یقینی بنایا جائے۔اُنہوں نے اَفسران پر مزید زور دیا کہ وہ صرف انہی نئے منصوبوں کی شروعات کی جائے جو یونیورسٹی کے بہتر انتظام کے لئے ضروری ہوں۔وزیر موصوفہ نے ہوسٹلوں کی تزئین و آرائش کے کاموں کو مقررہ مدت میں مکمل کرنے کی بھی ہدایت دی تاکہ طلبا¿کو آرام دہ رہائش فراہم کی جا سکے۔اُنہوں نے اِنسانی وسائل کی صورتحال کا جائزہ لیتے ہوئے ہدایت دی کہ جن کورسوں میں طلبا¿ کی تعداد زیادہ ہے وہاں تدریسی عملے کو وقتی بنیادوں پر تعلیمی اِنتظامات کے تحت تعینات کیا جائے جب تک مستقل بھرتیاں نہ ہو جائیں۔سکینہ اِیتو نے اِس بات پر بھی زور دیا کہ دُور دراز اور پسماندہ علاقوں سے تعلق رکھنے والے طلبا¿کے لئے یونیورسٹی میں سہولتیں فراہم کی جائیں اور انہیں مستقل بنیادوں پر سکالر شپ، اِمدادی کوچنگ رہنمائی پروگراموں کے ذریعے مناسب مدد فراہم کی جائے۔اُنہوں نے موجودہ سیشن میں ریکارڈ تعداد میںداخلوں پر یونیورسٹی اِنتظامیہ کو سراہا اور یقین دِلایا کہ حکومت یونیورسٹی کی ضروریات کو پورا کرنے میں ہر ممکن تعاون فراہم کرے گی۔ اُنہوں نے جموں و کشمیر میں اعلیٰ تعلیم کو مستحکم کرنے کے لئے حکومت کے عزم کا اعادہ کیا اور پورے خطے میں جی ایس بی یو کی علمی میدان میں خدمات کو سراہا۔دورانِ میٹنگ ضلع ترقیاتی کمشنر راجوری اوررجسٹرار بابا غلام شاہ بادشاہ یونیورسٹی (بی جی ایس بی یو)نے یونیورسٹی کے کام کاج کے بارے میں تفصیلی پرزنٹیشن پیش کی۔
سکینہ اِیتو نے بابا غلام شاہ بادشاہ یونیورسٹی کے تعلیمی اور اِنتظامی کام کاج کا جائز ہ لیا
