سرینگر………02دسمبر…… ایجنسیز…… آپریشن سندور بدستور جاری ہے کا اعلان کرتے ہوئے بحریہ کے سربراہ ایڈمرل دنیش کے ترپاٹھی نے کہا کہ فورس کے جارحانہ انداز نے پاکستان بحریہ کو اپنی بندرگاہوں کے قریب رہنے پر مجبور کیا۔سٹار نیوز نیٹ ورک کے مطابق بحریہ کے سربراہ ایڈمرل دنیش کے ترپاٹھی نے کہا کہ مئی میں آپریشن سندور کے دوران ان کی فورس کے جارحانہ انداز نے پاکستان بحریہ کو اپنی بندرگاہوں کے قریب رہنے پر مجبور کیا۔اپنی سالانہ پریس کانفرنس میں ایڈمرل ترپاٹھی نے یہ بھی کہا کہ ہندوستانی بحریہ نے پاکستان کے ساتھ دشمنی کے بعد گزشتہ سات آٹھ مہینوں میں مغربی بحیرہ عرب سمیت اعلیٰ آپریشنل تیاریوں کو برقرار رکھا۔بحریہ کے سربراہ نے وضاحت کیے بغیر کہا کہ آپریشن سندور ابھی تک جاری ہے۔ انہوں نے کہا کہ آپریشن سندورکے دوران جارحانہ انداز اور فوری کارروائی، بشمول کیریئر جنگی گروپ کی تعیناتی نے پاکستان نیوی کو اپنی بندرگاہوں کے قریب یا مکران کے ساحل کے قریب رہنے پر مجبور کیا۔خیال رہے کہ پاکستانی بحریہ کے سربراہ نے کہا کہ آپریشن سندور نے پاکستان پر مالی دباو¿ ڈالا ہے کیونکہ جنگ کے بعد بڑی تعداد میں تجارتی جہازوں نے اس ملک کا سفر کرنے سے گریز کیا۔انہوں نے کہا کہ پاکستان جانے والے جہازوں کی انشورنس کی قیمت بھی بڑھ گئی ہے۔