انتخابی کمیشن کے ساتھ بات چیت کر رہی ہےکرن رجیجو

 انتخابی کمیشن کے ساتھ بات چیت کر رہی ہےکرن رجیجو
سرینگر06اکتوبرسی این آئیقانون کے وزیر کرن رجیجو نے کہا ہے کہ حکومت عوامی نمائندگی کے قانون آر پی۔ایکٹ میں ترامیم کے ذریعہ اہم انتخابی اصلاحات کرنے کیلئے انتخابی کمیشن کے ساتھ بات چیت کر رہی ہے۔ ایک اخبار کو دیئے انٹرویو کے دوران انہوں نے کہا کہ بدلتے ہوئے وقت اور صورتحال کے پیش نظر‘ کچھ انتخابی قوانین کو ازسر نو مرتب کرنا ضروری ہے‘ جوکہ مناسب شفافیت اور جواب دہی کو یقینی بنانے کیلئے کافی کم ہیں۔ جناب رجیجو نے کہا کہ حکومت الیکشن کمیشن کے ساتھ پہلے ہی تفصیل کے ساتھ بات چیت کررہی ہے‘ تاکہ عوامی نمائندگی کے قانون اور دیگر انتخابی ضابطوں میں اہم تبدیلیوں کے بارے میں مطالعہ کیا جاسکے۔ انہوں نے کہا کہ مرکز نئے بدلتے دور اور صورتحال کے مطابق درکار اہم انتخابی اصلاحات کیلئے مناسب صلاح مشورے کے بعد اقدامات کرے گا۔انتخابات میں کالے دھن کے استعمال کو ختم کرنے کی غرض سے انتخابی کمیشن نے قانون کی وزارت کو حال ہی میں خط تحریر کیا تھا‘ تاکہ عوامی نمائندگی قانون میں تبدیلیاں لائی جاسکیں‘ جس سے کہ پارٹیاں اپنی ک±ل وصولیابیوں کا 20 فیصد تک ہی نقد عطیات کی شکل میں وصول کرسکیں۔