چیف سیکرٹری نے مشن یووا کے نفاذ کا لیا جائزہ

سرینگر 23 اکتوبر /انفو/چیف سیکرٹری مسٹر اتل ڈولو نے مشن یووا کی پیش رفت اور نفاذ کا جائیزہ لینے کیلئے ایک اعلیٰ سطحی اجلاس کی صدارت کی ، جس میں اب تک کی کامیابیوں کا تفصیلی جائیزہ لیا گیا اور متعلقہ محکموں اور اسٹیک ہولڈرز کے ساتھ مستقبل کے لائحہ عمل کا خاکہ تیار کیا گیا ۔ اجلاس میں ہائر ایجوکیشن ، پلاننگ اور ایگریکلچر پروڈکشن ڈیپارٹمنٹس کے ایڈیشنل چیف سیکرٹریز ، پرنسپل سیکرٹری فائنانس ، کمشنر سیکرٹری انڈسٹریز اینڈ کامرس ، سیکرٹریز آف ایمپلایمنٹ اینڈ رورل ڈیولپمنٹ ڈیپارٹمنٹس ، ڈائریکٹر ایمپلایمنٹ ، ڈائریکٹر ہینڈی کرافٹس کشمیر کے علاوہ دیگر سینئر افسران نے شرکت کی ۔ یونیورسٹیوں کے وائس چانسلرز ، منیجنگ ڈائریکٹرجے اینڈ کے بینک اور ڈپٹی کمشنرز نے ویڈیو کانفرنسنگ کے ذریعے شرکت کی ۔ مشن یووا کے تحت پیش رفت کا جائیزہ لیتے ہوئے چیف سیکرٹری نے ایمپلائمنٹ ڈیپارٹمنٹ اور جے اینڈ کے بینک کو ہدف کو پورا کرنے کیلئے فعال اقدامات اٹھانے کی ہدایت دی ۔ انہوں نے زور دیا کہ 1000 کروڑ روپے کے قرض تقسیم کئے جائیں تا کہ 2000 کروڑ روپے کے پروجیکٹس کو زمینی سطح پر نافذ کیا جا سکے ، جس سے خواہشمند کاروباری افراد کو قابل عمل کاروباری منصوبے قائم کرنے میں مدد ملے ۔ انہوں نے مستفیدین کی صلاحیتوں کو بڑھانے کی ضرورت پر زور دیا تا کہ وہ اپنے منصوبوں کو کامیاب اداروں میں تبدیل کر سکیں ۔ انہوں نے جے کے آر ایل ایم کے تحت لکھ پتی دیدی ، پی ایم ای جی پی ، ایچ اے ڈی پی ، جے کے سی آئی پی اور پی ایم ایف ایم ای جیسی تمام روز گار پیدا کرنے والی کوششوں کو مشن یووا کے ساتھ ہم آہنگ کرنے پر زور دیا تا کہ ان کے اجتماعی اثرات کو زیادہ سے زیادہ کیا جا سکے ۔ گراس روٹ سطح پر معاون نظاموں کی اہمیت کو اجاگر کرتے ہوئے مسٹر ڈولو نے ہدایت دی کہ مشن کے تحت سنگل بلاک ڈیولپمنٹ یونٹس ( ایس بی ڈی یوز ) ، بلاک ہینڈ ہولڈنگ ڈیسکس ( بی ایچ ڈیز ) اور یووا دوتس کو بہترین طریقے سے استعمال کیا جائے تا کہ زمینی سطح پر عملدرآمد اور دیگر سرکاری اسکیموں کے ساتھ ہم آہنگی کو آسان بنایا جا سکے ۔ انہوں نے بینکوں کو مزید ہدایت دی کہ وہ اپنے نمائندوں کو بلاک سطح پر بی ایچ ڈیز میں تعینات کریں تا کہ منظوری کے عمل کو ہموار کیا جا سکے اور قرضوں کی بروقت منظوری اور تقسیم کو یقینی بنایا جا سکے ۔ ڈپٹی کمشنرز کو ہدایت دی گئی کہ وہ مستفیدین کی طرف سے اداروں کے قیام کی قریبی نگرانی کریں اور ڈسٹرکٹ لیول امپلیمنٹیشن کمیٹی ( ڈی ایل آئی سی ) کی منظوریوں سے لیکر بینک کی منظوریوں اور قرضوں کی تقسیم تک کے عمل کو تیز کریں ۔ وسیع تر رسائی کو یقینی بنانے کیلئے چیف سیکرٹری نے آگاہی مہموں میں قانون سازوں ، عوامی شخصیات اور مقامی اثر و رسوخ رکھنے والوں کو شامل کرنے پر زور دیا ۔ انہوں نے لکھ پتی دیدی ، پی ایم وشو کرما مستفیدین ، پی ایم کے وی وائی ٹرینیز اور ہینڈی کرافٹ سیکٹر کے کاریگروں ھیسے فوکس گروپس کے ساتھ مشغول ہونے کی حکمت عملی تیار کرنے کا مشورہ دیا اور مشن یووا کے تحت ان کی شرکت کی حوصلہ افزائی کی ۔ ایڈمنسٹریٹو سیکرٹریز اور وائس چانسلرز نے میٹنگ کے دوران اپنے بصیرت اور تجاویز کا اشتراک کیا ، دیگر علاقوں سے بہترین طرز عمل کو اجاگر کرتے ہوئے اور مشن کی صلاحیت میں اضافہ اور وقت کے پابند نفاذ کیلئے اقدامات کی سفارش کی ۔ کمشنر سیکرٹری ایمپلایمنٹ کمار راجیو رنجن نے مشن یووا کی کامیابیوں اور مقاصد کا تفصیلی جائیزہ پیش کیا ۔ انہوں نے بتایا کہ محکمہ کا مقصد ہر پنچائت میں کامیاب کاروباری افراد پیدا کرنا ہے ، مقامی رول ماڈلز بنانا تا کہ دوسروں کو ترغیب ملے ۔ چیف سیکرٹری کو مشن کے تحت رجسٹرڈ انٹر پرائیزز کیلئے مارکیٹ روابط کو سہل بنانے کیلئے تیار کردہ بایر۔ سیلر ایپ کے بارے میں بھی آگاہ کیا گیا اور یو ٹی میں انکیو بیشن اور انوویشن پر مبنی انٹر پرنیور شپ کو فروغ دینے کے اقدامات کے بارے میں بتایا گیا ۔ حکومت کی نوجوان انٹر پرنیور شپ کو فروغ دینے کے عزم کا اعادہ کرتے ہوئے مسٹر ڈولو نے زور دیا کہ مشن یووا نوجوانوں کو بااختیار بنانے ، خود انحصاری کو ممکن بنانے اور جموں و کشمیر بھر میں ایک مضبوط انٹر پرنیورل ایکو سسٹم بنانے کی طرف ایک تبدیلی کا قدم ہے ۔ انہوں نے تمام محکموں اور بینکوں سے مشن کی کامیابی کیلئے بغیر کسی رکاوٹ کے رابطہ کاری ، بروقت تعاون اور قابل پیمائش نتائج کو یقینی بنانے کی اپیل کی ۔