ہم کسی کو تنگ نہیں کریں گے / راجناتھ سنگھ
سرینگر08اکتوبر سی این آئی بھارت واحد ملک جو پوری دنیا میں رہنے والے لوگوں کو اپنے خاندان کے ممبر مانتا ہے کی بات کرتے ہوئے وزیر دفاع راجنا تھ سنگھ نے کہا کہ ملک ان فوجیوں کا مقروض رہے گا جنہوں نے دفاع کیلئے اپنی جانیں پیش کی ہے ۔ انہوں نے مزید کہا کہ سر حدوں پر چین اور پاکستان کے خطرات سے نمٹنے کیلئے بھارت بہتر ٹیکنالوجی حاصل کرنے کے انتظار میںنہیں رہ سکتا ۔ اسی دوران انہوںنے ایک مرتبہ پھر واضح کر دیا کہ بھارت ہمسایہ مملک کے ساتھ بہترین تعلقات کاحامی ہے تاہم ہم واضح کر دینا چاہتا ہے کہ کوئی بھی ملک ہماری سر زمین پر قبضہ کرنے کی کوشش کر یگا تو اس کو سخت جواب دیا جائے گا ۔ سی این آئی مانیٹرنگ کے مطابق نئی دلی میں بھارتیہ فضائیہ کی ایک تقریب سے خطاب کرتے ہوئے وزیر دفاع راج ناتھ سنگھ نے کہا کہ ہندوستان پوری دنیا کو ایک خاندان سمجھتا ہے۔ انہوں نے کہا کہ سابق مشرقی پاکستان میں جو کچھ بھی ہو رہا تھا اس سے ہندوستانی حساسیت متاثر ہو رہی تھی۔اراجناتھ سنگھ نے کہا کہ ہندوستان دنیا کا واحد ملک ہے جو صرف اپنی حدود میں رہنے والوں کو ہی نہیں بلکہ پوری دنیا میں رہنے والے لوگوں کو اپنے خاندان کے ممبر مانتا ہے۔انہوں نے مزید کہا کہ ملک ان فوجیوں کا مقروض رہے گا جنہوں نے ملک کی حفاطت کیلئے اپنی جانیں پیش کی ہے ۔سنگھ نے کہا کہ ہم دفاعی شعبے میں خود کفیل بننے کی کوشش کر رہے ہیں انہوں نے کہا کہ ہم کسی کو تنگ نہیں کریں گے لیکن اگر کوئی ہمیں پریشان کرے گا تو ہم انہیں نہیں چھوڑیں گے۔راجنا تھ سنگھ نے کہا تھا کہ جنگ کے بدلتے ہوئے کردار کے تناظر میں، 20ویں صدی کے اہم جنگی ٹینک اور لڑاکا ہوائی جہاز اپنے راستے پر ہیں اور جنگ- مستقبل میں جیتنے کا عنصر عددی مساوات نہیں بلکہ تکنیکی برتری ہو سکتا ہے۔
